ഒട്ടാവ: കാനഡയിൽ ജോലി ചെയ്യുന്ന വിദേശ പൗരന്മാരുടെ പങ്കാളികൾക്ക് ഓപ്പൺ വർക്ക് പെർമിറ്റ് (SOWP) ലഭിക്കുന്നതിനുള്ള മാനദണ്ഡങ്ങൾ വ്യക്തമാക്കി സർക്കാർ. പ്രധാന തൊഴിൽ ചെയ്യുന്ന വ്യക്തിയുടെ തൊഴിൽ മേഖല, യോഗ്യത, വർക്ക് പെർമിറ്റിൻ്റെ കാലാവധി എന്നിവയെ ആശ്രയിച്ചാണ് പങ്കാളിയുടെ വർക്ക് പെർമിറ്റ് അപേക്ഷ പരിഗണിക്കുക.
പ്രധാന യോഗ്യതാ മാനദണ്ഡങ്ങൾ:
ഉയർന്ന വൈദഗ്ധ്യമുള്ള തൊഴിലാളികൾ (TEER 0 അല്ലെങ്കിൽ 1): TEER 0 അല്ലെങ്കിൽ 1 വിഭാഗത്തിൽ ജോലി ചെയ്യുന്നവരുടെ പങ്കാളികൾക്ക് വർക്ക് പെർമിറ്റിന് അപേക്ഷിക്കാം. പ്രധാന അപേക്ഷകന്റെ വർക്ക് പെർമിറ്റിന് അപേക്ഷിക്കുമ്പോൾ കുറഞ്ഞത് 16 മാസം കാലാവധി ഉണ്ടായിരിക്കണം.
വൈദഗ്ധ്യമുള്ള തൊഴിലാളികൾ (TEER 2 അല്ലെങ്കിൽ 3): TEER 2 അല്ലെങ്കിൽ 3 വിഭാഗത്തിലുള്ളവർക്ക് അവരുടെ തൊഴിൽ, യോഗ്യതയുള്ള ജോലികളുടെ പട്ടികയിൽ ഉൾപ്പെട്ടാൽ പങ്കാളിക്ക് വർക്ക് പെർമിറ്റിന് അപേക്ഷിക്കാം. ഈ അപേക്ഷകർക്കും പ്രധാന വർക്ക് പെർമിറ്റിന് കുറഞ്ഞത് 16 മാസത്തെ കാലാവധി ആവശ്യമാണ്.
പെർമനന്റ് റെസിഡൻസി (PR) അപേക്ഷകർ: അംഗീകൃത PR പ്രോഗ്രാമുകളിലൂടെ അപേക്ഷിച്ചവരോ, അപേക്ഷിക്കാൻ തയ്യാറെടുക്കുന്നവരോ ആയ വിദേശ തൊഴിലാളികളുടെ പങ്കാളികൾക്കും വർക്ക് പെർമിറ്റിന് അർഹതയുണ്ട്. ഇവർക്ക് പ്രധാന അപേക്ഷകൻ്റെ വർക്ക് പെർമിറ്റിന് 6 മാസം കാലാവധി മതിയാകും.
ട്രേഡ് അഗ്രിമെൻ്റുകൾ പ്രകാരമുള്ള തൊഴിലാളികൾ: ചില ട്രേഡ് അഗ്രിമെൻ്റുകൾക്ക് കീഴിൽ കാനഡയിൽ ജോലി ചെയ്യുന്നവരുടെ പങ്കാളികൾക്കും പ്രത്യേക വ്യവസ്ഥകൾക്ക് വിധേയമായി വർക്ക് പെർമിറ്റ് ലഭിക്കാം.
പൊതുവായ ആവശ്യകതകൾ:
വർക്ക് പെർമിറ്റിന് അപേക്ഷിക്കുന്ന പങ്കാളിക്ക് സാധുവായ താത്കാലിക റെസിഡന്റ് പദവി ഉണ്ടായിരിക്കണം.
കാനഡയിലെ താമസം, മടങ്ങിപ്പോകാനുള്ള ചെലവ് എന്നിവയ്ക്ക് ആവശ്യമായ സാമ്പത്തിക ശേഷി തെളിയിക്കണം.
ക്രിമിനൽ പശ്ചാത്തലമില്ലാത്തവരും നല്ല ആരോഗ്യസ്ഥിതി ഉള്ളവരുമായിരിക്കണം.
സർക്കാർ നിർദേശിക്കുന്ന മെഡിക്കൽ പരിശോധനകൾക്കും മറ്റ് ആവശ്യമായ രേഖകളും നൽകാൻ തയ്യാറായിരിക്കണം.
അർഹതയില്ലാത്തവർ:
അഭയാർത്ഥി അപേക്ഷ നൽകിയ വ്യക്തികൾ.
പങ്കാളിക്ക് സ്വന്തമായി സ്പൗസൽ ഓപ്പൺ വർക്ക് പെർമിറ്റ് ഉള്ള സാഹചര്യത്തിൽ.
വർക്ക് പെർമിറ്റില്ലാതെ ഓഫ്-ക്യാമ്പസ് ജോലി ചെയ്യുന്ന അന്താരാഷ്ട്ര വിദ്യാർത്ഥികൾ.
കൂടുതൽ വിവരങ്ങൾക്കും വിശദമായ തൊഴിൽ പട്ടികയ്ക്കും കനേഡിയൻ ഗവൺമെൻ്റിൻ്റെ ഔദ്യോഗിക വെബ്സൈറ്റ് സന്ദർശിക്കാവുന്നതാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Who is eligible for a work permit as the spouse of a foreign worker?
