നീണ്ട ഇടവേളയ്ക്ക് ശേഷം എക്സ്പ്രസ് എൻട്രി ട്രേഡ് ഒക്യുപേഷൻ വിഭാഗത്തിൽ 1,250 അപേക്ഷകർക്ക് ഇൻവിറ്റേഷൻ (ITA) അയച്ച് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ഇന്ന് ( സെപ്റ്റംബർ 18)ന് നടന്ന ഡ്രോയിൽ കുറഞ്ഞത് 505 കോംപ്രിഹെൻസീവ് റാങ്കിംഗ് സിസ്റ്റം സ്കോർ (CRS) നേടിയ അപേക്ഷകരാണ് പരിഗണിക്കപ്പെട്ടത്.
2024 ഒക്ടോബർ 23-ന് നടന്ന മുൻ ട്രേഡ് ഒക്യുപേഷൻ ഡ്രോയിലെ CRS സ്കോർ 433 ആയിരുന്നു. ഡ്രോകൾ തമ്മിലുള്ള വലിയ ഇടവേള കാരണം കൂടുതൽ ഉദ്യോഗാർത്ഥികൾ പൂളിൽ എത്തിയത് സിആർഎസ് സ്കോർ ഉയരാൻ കാരണമായി.
IRCC ഈ മാസം നടത്തുന്ന ആറാമത്തെ ഡ്രോ ആണിത്. സെപ്റ്റംബർ 16-ന് ഹെൽത്ത് കെയർ ഒക്യുപേഷൻസിനായുള്ള ഡ്രോയും, സെപ്റ്റംബർ 15-ന് പ്രൊവിൻഷ്യൽ നോമിനി പ്രോഗ്രാം (PNP) ഡ്രോയും, സെപ്റ്റംബർ 4-ന് 4,500 ITA-കൾ നൽകിയ ഫ്രഞ്ച് ഭാഷാ ഡ്രോയും നടന്നിരുന്നു. 2025-ൽ ഇതുവരെ IRCC എക്സ്പ്രസ് എൻട്രി വഴി 61,047 ITA-കൾ നൽകിയിട്ടുണ്ട്. ഈ വർഷത്തെ ഡ്രോകളിൽ പിഎൻപി ഡ്രോകൾക്കാണ് കൂടുതൽ ശ്രദ്ധ ലഭിച്ചത്, CEC (കനേഡിയൻ എക്സ്പീരിയൻസ് ക്ലാസ്), ഫ്രഞ്ച് ഭാഷാ പ്രാവീണ്യമുള്ളവർ, മറ്റ് മുൻഗണനാ ജോലികളിലുള്ളവർ എന്നിങ്ങനെയുള്ള വിഭാഗങ്ങൾക്കും അവസരങ്ങൾ നൽകിയിട്ടുണ്ട്.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Canada holds first Express Entry draw for trade occupations in 2025
