മോൺട്രിയൽ: മോൺട്രിയലിലെ എൻഡിജി (NDG) മേഖലയിലെ കെട്ടിടത്തിൽ വൻ തീപിടുത്തം. തീ അണയ്ക്കാൻ തൊണ്ണൂറിൽ അധികം അഗ്നിരക്ഷാ സേനാംഗങ്ങൾ സ്ഥലത്തെത്തി. ആളപായമൊന്നും റിപ്പോർട്ട് ചെയ്തിട്ടില്ല. ഞായറാഴ്ച രാവിലെ 9:05-നാണ് അഗ്നിരക്ഷാ വാഹനങ്ങൾ സംഭവസ്ഥലത്തേക്ക് കുതിച്ചെത്തിയത്. എൽമ്ഹർസ്റ്റ് അവന്യൂവിന് സമീപമുള്ള മൂന്ന് നിലകളുള്ള റെസിഡൻഷ്യൽ കെട്ടിടത്തിൽ നിന്ന് പുക ഉയരുന്നത് ശ്രദ്ധയിൽപ്പെട്ടതിനെത്തുടർന്നാണ് അധികൃതരെ വിവരമറിയിച്ചത്.
കെട്ടിടത്തിൽ ആരും താമസിച്ചിരുന്നില്ലെന്നും, വൈദ്യുതിയോ ഗ്യാസ് കണക്ഷനോ ഉണ്ടായിരുന്നില്ലെന്നും മോൺട്രിയൽ ഫയർ ഡിപ്പാർട്ട്‌മെൻ്റ് (SIM) വക്താവ് എമിലി ബാർബ്യൂ-ചാർലെബോയിസ് പറഞ്ഞു. രാവിലെ പത്ത് മണിയോടെ, SIM മൂന്നാമത്തെ അലാം മുഴക്കി. 11:30-ഓടെ തൊണ്ണൂറിൽ അധികം അഗ്നിരക്ഷാ സേനാംഗങ്ങൾ തീയണയ്ക്കാൻ രംഗത്തെത്തി. തീയണയ്ക്കുന്നതിനിടയിൽ ആർക്കും പരിക്കേറ്റിട്ടില്ല.
മുൻകരുതലെന്ന നിലയിൽ സമീപത്തുള്ള കെട്ടിടത്തിൽ നിന്ന് ആളുകളെ ഒഴിപ്പിച്ചിട്ടുണ്ട്.
തീപിടുത്തത്തിനുള്ള കാരണം വ്യക്തമല്ല. അന്വേഷണം പുരോഗമിക്കുകയാണെന്ന് അധികൃതർ അറിയിച്ചു. നഗരമധ്യത്തിൽ നടന്ന ഈ തീപിടുത്തം പ്രദേശവാസികളിൽ പരിഭ്രാന്തി സൃഷ്ടിച്ചു.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/JNSnrvnSqw1DUJljLTLp82
