ഒട്ടാവയിലെ ലിറ്റിൽ ഇറ്റലിയിൽ നടന്ന ഇറ്റാലിയൻ ഫെസ്റ്റിവൽ പ്രെസ്റ്റൺ സ്ട്രീറ്റിനെ ആഘോഷം കൊണ്ട് നിറച്ചു. ഭക്ഷണവും സംഗീതവും കലാപരിപാടികളും ചേർന്ന് നടന്ന ഈ ഉത്സവത്തിൽ ആയിരക്കണക്കിന് ആളുകളാണ് പങ്കെടുത്തത്. ഈ വർഷം ഇതുവരെ കണ്ടതിൽവെച്ച് വലിയ തിരക്കാണ് എന്നും ഇത് നഗരത്തിന്റെ സൗന്ദര്യം വലിയ തോതിൽ മാറ്റി മറിച്ചെന്നും ജോസ് കിച്ചണിലെ സ്റ്റാഫ് അംഗമായ റൊമാനോ റോക്കോ ഫറെല്ല പറഞ്ഞു.
പരമ്പരാഗത നൃത്തവും സംഗീതവുമൊക്കെയുള്ള പരിപാടികൾ കൊണ്ട് തെരുവുകൾ നിറഞ്ഞപ്പോൾ, ബേക്ക് ചെയ്ത വിഭവങ്ങൾ മുതൽ ജെലാറ്റോ വരെ വാങ്ങാനായി പ്രെസ്റ്റൺ സ്ട്രീറ്റ് ആളുകളെ കൊണ്ട് തിങ്ങി നിറഞ്ഞു. കാർ പ്രേമികൾക്കായി ഫെരാരികൾ അടക്കമുള്ള നിരവധി കാറുകളാണ് സ്ട്രീറ്റിൽ പ്രദർശിപ്പിക്കപ്പെട്ടത്. കുട്ടികൾക്കായി ഫെയ്സ് പെയിന്റിംഗ്, ബലൂൺ നിർമ്മാണം, ഇറ്റാലിയൻ ഫെൻസിങ് തുടങ്ങിയ കണ്ണിനെ മയക്കുന്ന പലതരത്തിലുള്ള വിനോദങ്ങളുമുണ്ടായിരുന്നു.
ഉത്സവത്തിനിടെ, കഴിഞ്ഞ ദിവസങ്ങളിലെ കാട്ടുതീ പുക കുറവായതും ജനങ്ങൾക്കു പുറത്തുപോകാനും ആഘോഷങ്ങൾ ആസ്വദിക്കാനും സഹായകമായി. പ്രദേശത്തെ ബിസിനസുകൾക്കും പാറ്റിയോകൾക്കും ഇതൊരു വലിയ ആശ്വാസമായിരുന്നു. എല്ലായിടത്തും ആവേശം എല്ലായിടത്തും സന്തോഷം. പ്രെസ്റ്റൺ സ്ട്രീറ്റിന് ചുറ്റും ആളുകൾ നിറഞ്ഞ ആനന്ദത്തിൽ ആറാടുകയായിരുന്നു.
