ലോ​സ് ആ​ഞ്ജ​ല​സിൽ കുടിയേറ്റക്കാരുടെ പ്രതിഷേധം; പട്ടാളത്തെ വിന്യസിച്ച് ട്രംപ്

യു.​എ​സി​ലെ ലോ​സ് ആ​ഞ്ജ​ല​സ് പ​ട്ട​ണ​ത്തി​ൽ അ​ന​ധി​കൃ​ത കു​ടി​യേ​റ്റ​ക്കാ​ർ​ക്കാ​യി തു​ട​രു​ന്ന റെ​യ്ഡി​നെ​തി​രെ പ്ര​തി​ഷേ​ധം ശ​ക്ത​മാ​യ​തോ​ടെ പ​ട്ടാ​ള​ത്തെ വിന്യസിച്ച് പ്രസിഡന്റ് ഡോണൾഡ് ട്രം​പ്. ആ​ദ്യ​ഘ​ട്ട​ത്തി​ൽ 2000 നാ​ഷ​ന​ൽ ഗാ​ർ​ഡ് പ​ട്ടാ​ള​ക്കാ​രെ​യാ​ണ് സേ​വ​ന​ത്തി​നാ​യി വി​ന്യ​സി​ച്ച​ത്. ഡെ​മോ​​ക്രാ​റ്റു​ക​ൾ സം​സ്ഥാ​ന ഭ​ര​ണം കൈ​യാ​ളു​ന്ന ലോ​സ് ആ​ഞ്ജ​ല​സി​ൽ ജ​ന​സം​ഖ്യ​യി​ലേ​റെ​യും ഹി​സ്പാ​നി​കു​ക​ളും മ​റ്റു രാ​ജ്യ​ങ്ങ​ളി​ൽ വേ​രു​ക​ളു​ള്ള​വ​രു​മാ​ണ്. ഇ​വ​രി​ലെ രേ​ഖ​ക​ളി​ല്ലാ​ത്ത​വ​രെ പി​ടി​ക്കാ​നെ​ന്ന പേ​രി​ലാ​ണ് ക​ഴി​ഞ്ഞ ദി​വ​സം റെ​യ്ഡ് ആ​രം​ഭി​ച്ച​ത്. ഇ​തി​നെ​തി​രെ പ്ര​തി​ഷേ​ധം ശ​ക്ത​മാ​കു​ക​യും ചി​ല പ്ര​ക്ഷോ​ഭ​ക​ർ മെ​ക്സി​ക്കോ പ​താ​ക വീ​ശു​ക​യും ചെ​യ്ത​ത് ഉ​യ​ർ​ത്തി​ക്കാ​ട്ടി​യാ​ണ് രാ​ജ്യ​ദ്രോ​ഹം നി​യ​ന്ത്രി​ക്കാ​നെ​ന്ന പേ​രി​ൽ പ​ട്ടാ​ള വി​ന്യാ​സം. ട്രം​പി​ന്റെ നീ​ക്കം പ​ക്ഷേ, സം​സ്ഥാ​ന​ത്ത് ക​ടു​ത്ത എ​തി​ർ​പ്പു​യ​ർ​ത്തി​യി​ട്ടു​ണ്ട്.