ആൽബർട്ട: ആൽബർട്ട പ്രവിശ്യ ഈ വർഷത്തെ ഏറ്റവും വലിയ രണ്ടാമത്തെ കുടിയേറ്റ നറുക്കെടുപ്പ് നടത്തി. നവംബർ 10, 14 തീയതികളിൽ നടന്ന ഡ്രോയിൽ 1,125 പേർക്കാണ് ആൽബർട്ട അഡ്വാൻ്റേജ് ഇമ്മിഗ്രേഷൻ പ്രോഗ്രാമിന് (AAIP) വഴി അപേക്ഷിക്കാൻ ഇൻവിറ്റേഷൻ ലഭിച്ചത്. ഈ വർഷം സെപ്റ്റംബർ 12-ന് ശേഷം നടന്ന ഏറ്റവും വലിയ ഇൻവിറ്റേഷൻ ആണിത്. ആൽബർട്ടയിൽ സ്ഥിരതാമസമാക്കാൻ ആഗ്രഹിക്കുന്നവർക്ക് ഇതൊരു വലിയ അവസരമാണ്.
ഈ തിരഞ്ഞെടുപ്പുകൾ രണ്ട് ഘട്ടങ്ങളിലായാണ് നടന്നത്. നവംബർ 10-ന് നടന്ന ആദ്യ നറുക്കെടുപ്പിൽ 1,045 പേർക്ക് ഇൻവിറ്റേഷൻ ലഭിച്ചു. ഇവരെ തിരഞ്ഞെടുത്തത് ‘ആൽബെർട്ട ഓപ്പർച്യൂണിറ്റി സ്ട്രീം’ വഴിയാണ്, കുറഞ്ഞ സ്കോർ 55 ആയിരുന്നു. നവംബർ 14-ന് നടന്ന രണ്ടാമത്തെ നറുക്കെടുപ്പ് ആരോഗ്യ മേഖലയിലെ (Health Care) ആളുകൾക്ക് മാത്രമായി പരിഗണിച്ചായിരുന്നു. ഇതിലൂടെ 80 പേർക്ക് ഇൻവിറ്റേഷൻ ലഭിച്ചു, കുറഞ്ഞ സ്കോർ 52 ആയിരുന്നു. ആൽബർട്ടയുമായി ബന്ധമുള്ളവർ, ഉയർന്ന സ്കോർ ഉള്ളവർ, ആരോഗ്യ മേഖലയിൽ പ്രവൃത്തിപരിചയമുള്ളവർ എന്നിവർക്കാണ് ഇത്തവണ കൂടുതൽ പരിഗണന ലഭിച്ചത്.
ആൽബർട്ടയിൽ ഇപ്പോൾ താമസിച്ചു ജോലി ചെയ്യുന്ന വിദേശ തൊഴിലാളികൾക്ക് സ്ഥിരതാമസത്തിന് അവസരം നൽകുന്ന ഒരു പ്രധാന വഴിയാണ് ആൽബർട്ട ഓപ്പർച്യൂണിറ്റി സ്ട്രീം. ഇതിലൂടെ തിരഞ്ഞെടുക്കപ്പെടാൻ, അവിടെയുള്ള ഒരു തൊഴിലുടമയുടെ ഫുൾ ടൈം ജോലിയുടെ ഓഫർ നിർബന്ധമാണ്. കൂടാതെ, താമസസ്ഥലം, ഭാഷാപരമായ കഴിവ്, വിദ്യാഭ്യാസം, ആൽബർട്ടയിലെ ജോലിപരിചയം തുടങ്ങിയ പ്രധാന നിബന്ധനകളും പാലിക്കേണ്ടതുണ്ട്.
ഈ വർഷം ഈ പദ്ധതിയിൽ ആകെ 3,656 പേർക്കാണ് അവസരം ഉണ്ടായിരുന്നത്, അതിൽ 3,120 പേരെ ഇതിനോടകം തിരഞ്ഞെടുത്തു കഴിഞ്ഞു. കുടിയേറ്റത്തിനായി കൂടുതൽ ആളുകളെ തിരഞ്ഞെടുക്കാൻ കേന്ദ്ര സർക്കാരിൽ നിന്ന് ആൽബർട്ടയ്ക്ക് ഇപ്പോൾ അനുമതി ലഭിച്ചിട്ടുണ്ട്. അതോടെ, നേരത്തെ ഉണ്ടായിരുന്ന 4,875-ൽ നിന്ന് 6,603 ആയി ആകെ അവസരങ്ങളുടെ എണ്ണം വർധിച്ചു. ഈ വർധിച്ച അവസരങ്ങൾ ഈ വർഷം തന്നെ ഉപയോഗിക്കാൻ ആൽബർട്ട തീരുമാനിച്ചതിനാൽ, നിർമ്മാണം, കൃഷി, ആരോഗ്യ സംരക്ഷണം പോലുള്ള പ്രധാന മേഖലകളിലെ വിദഗ്ദ്ധർക്കായി ഇനിയും കൂടുതൽ നറുക്കെടുപ്പുകൾ ഉണ്ടാകാൻ സാധ്യതയുണ്ട്.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
1,125 people invited to the latest Alberta AIP draw; do you know what the CRS score is?
