വിവേചനം അവസാനിപ്പിക്കൂ!കനേഡിയൻ ആദിവാസികൾ പൊലീസിനെതിരെ നിയമപോരാട്ടത്തിൽ

ബ്രിട്ടീഷ് കൊളംബിയയിലെ ഹൈൽസുക് ഫസ്റ്റ് നേഷൻ കനേഡിയൻ റോയൽ മൗണ്ടഡ് പോലീസിനെതിരെ (RCMP) ചരിത്രപരമായ നിയമനടപടി ആരംഭിച്ചു. ആദിവാസി ഗോത്രങ്ങളുടെ കോടതി നിയമങ്ങൾ നടപ്പിലാക്കുന്നതിൽ പോലീസ് വിവേചനം കാണിക്കുന്നുവെന്ന് ആരോപിച്ചാണ് ഈ നടപടി.ആദിവാസികളല്ലാത്തവരുടെ സ്വത്തവകാശ നിയമങ്ങൾ യാതൊരു ചോദ്യവും കൂടാതെ നടപ്പാക്കുമ്പോൾ, ആദിവാസി ഗോത്രങ്ങളുടെ നിയമങ്ങൾ അവഗണിക്കപ്പെടുന്നുവെന്ന് ഹൈൽസുക് ചീഫ് മാരിലിൻ സ്ലെറ്റ് ആരോപിക്കുന്നു. ഈ വിവേചനം കനേഡിയൻ ചാർട്ടർ ഓഫ് റൈറ്റ്സ് ആൻഡ് ഫ്രീഡംസിന്റെ 15-ാം വകുപ്പ് ലംഘിക്കുന്നുവെന്ന് കേസിൽ ചൂണ്ടിക്കാട്ടുന്നു.അക്രമവും മയക്കുമരുന്നുമായി ബന്ധപ്പെട്ട കുറ്റകൃത്യങ്ങളും കാരണം ബെല്ലയ്ക്ക് സമീപമുള്ള ഹൈൽസുക് നേഷൻ പൊതു സുരക്ഷാ പ്രതിസന്ധി നേരിടുന്നുണ്ട്.
ഗ്രാൻഡ് ചീഫ് സ്റ്റുവർട്ട് ഫിലിപ്പും ഈ നിയമനടപടിയിൽ പങ്കാളിയാണ്. ആദിവാസി നിയമങ്ങൾ നടപ്പാക്കാത്തത് പൊതു സുരക്ഷയെ ദുർബലപ്പെടുത്തുകയും, മയക്കുമരുന്ന് ദുരുപയോഗം, അക്രമം എന്നിവ വർധിപ്പിക്കുകയും, ആദിവാസി ഭരണം ദുർബലമാക്കുകയും ചെയ്യുന്നുവെന്ന് അദ്ദേഹം വാദിക്കുന്നു.വംശീയവും വിവേചനപരവുമായ ഈ സമീപനം അവസാനിപ്പിക്കണമെന്ന് ഹൈൽസുക് നേതൃത്വം ആവശ്യപ്പെടുന്നു. RCMP ഇതുവരെ ഈ നിയമനടപടിയെക്കുറിച്ച് പ്രതികരിച്ചിട്ടില്ല.