വിൻഡ്സർ: കാനഡയിലെ അലർജി ബാധിതർക്ക് 2026-ൽ ജീവിക്കാൻ ഏറ്റവും പ്രയാസകരമായ നഗരമായി ഒന്റാറിയോയിലെ വിൻഡ്സർ തിരഞ്ഞെടുക്കപ്പെട്ടു. ഓട്ടവ ആസ്ഥാനമായി പ്രവർത്തിക്കുന്ന ഏറോബയോളജി റിസർച്ച് ലാബ് നടത്തിയ പഠനത്തിലാണ് വിൻഡ്സറിനെ ഒന്നാം സ്ഥാനത്ത് ഉൾപ്പെടുത്തിയിരിക്കുന്നത്. കാനഡയിൽ ഏകദേശം എട്ടു മില്യണിലധികം ആളുകൾ, അതായത് അഞ്ചിൽ ഒരാൾ എന്ന കണക്കിൽ പൂമ്പൊടി മൂലമുള്ള അലർജി അനുഭവിക്കുന്നുണ്ടെന്നാണ് കണക്കുകൾ സൂചിപ്പിക്കുന്നത്. മൂക്കൊലിപ്പ്, കഠിനമായ തുമ്മൽ, കണ്ണുകളിൽ നിന്നുള്ള നീരൊഴുക്ക് എന്നിവയാണ് പ്രധാന ലക്ഷണങ്ങളായി കണ്ടുവരുന്നത്.
നഗരത്തിലെ പ്രത്യേക കാലാവസ്ഥയും ബിർച്ച്, ഓക്ക്, റാഗ്വീഡ് തുടങ്ങിയ മരങ്ങളുടെയും ചെടികളുടെയും അമിതമായ സാന്നിധ്യവുമാണ് വിൻഡ്സറിലെ വായുവിൽ പൂമ്പൊടിയുടെ അളവ് വർദ്ധിപ്പിക്കുന്നത്. വിൻഡ്സറിന് തൊട്ടുപിന്നാലെ ഹാമിൽട്ടൺ, ബാരി എന്നീ ഒന്റാറിയോ നഗരങ്ങളും പട്ടികയിൽ ഇടംപിടിച്ചിട്ടുണ്ട്.
അതേസമയം സെന്റ് ജോൺസ്, റജൈന, ഹാലിഫാക്സ് തുടങ്ങിയ നഗരങ്ങളിലാണ് അലർജി സാധ്യത ഏറ്റവും കുറവായി രേഖപ്പെടുത്തിയിരിക്കുന്നത്. വായുവിലെ പൂമ്പൊടിയുടെ സാന്ദ്രതയും അലർജി സീസണിന്റെ ദൈർഘ്യവും കണക്കിലെടുത്താണ് ഈ റാങ്കിംഗ് തയ്യാറാക്കിയിരിക്കുന്നത്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Why Windsor is Canada’s worst place for allergy sufferers
