വാട്ടർലൂ റീജിയണിലെ സൺഷൈൻ ലിസ്റ്റ് പുറത്ത്; ഉയർന്ന ശമ്പളം വാങ്ങുന്നവരിൽ മാർസെല ലോപ്പസ് മുന്നിൽ

വാട്ടർലൂ: 2025-ൽ ഒരു ലക്ഷം ഡോളറിലധികം ശമ്പളം കൈപ്പറ്റിയ ഒന്റാരിയോയിലെ പൊതുമേഖലാ ജീവനക്കാരുടെ വാർഷിക പട്ടിക (സൺഷൈൻ ലിസ്റ്റ്) പുറത്തിറക്കി. നാല് ലക്ഷത്തിലധികം പേരാണ് ഇത്തവണ പട്ടികയിൽ ഉൾപ്പെട്ടിട്ടുള്ളത്. വാട്ടർലൂ റീജിയണിലും ഗൾഫിലും (Guelph) ഇത്തവണ പുതിയ പേരുകളാണ് പട്ടികയിൽ മുൻനിരയിലുള്ളത്. പെരിമീറ്റർ ഇൻസ്റ്റിറ്റ്യൂട്ട് ഫോർ തിയററ്റിക്കൽ ഫിസിക്സ് എക്സിക്യൂട്ടീവ് ഡയറക്ടർ മാർസെല കരേന ലോപ്പസ് ആണ് 6,50,000 ഡോളർ ശമ്പളത്തോടെ പ്രാദേശിക പട്ടികയിൽ ഒന്നാമതെത്തിയത്.

വാട്ടർലൂ റീജിയൺ ഹെൽത്ത് നെറ്റ്‌വർക്ക് (WRHN) പ്രസിഡന്റും സിഇഒയുമായ റോണാൾഡ് ഗാഗ്നൺ പട്ടികയിൽ രണ്ടാമതെത്തി. കോണസ്റ്റോഗ കോളേജ് മുൻ പ്രസിഡന്റ് ജോൺ ടിബ്ബിറ്റ്സ് ആണ് മൂന്നാം സ്ഥാനത്ത്. 6,01,684.32 ഡോളറാണ് അദ്ദേഹത്തിന്റെ 2025-ലെ ശമ്പളം. അന്താരാഷ്ട്ര വിദ്യാർത്ഥികളുടെ എണ്ണത്തിലുണ്ടായ വർധനവും തുടർന്നുണ്ടായ വിവാദങ്ങൾക്കുമൊടുവിൽ 2026 ജനുവരി 14-നാണ് ടിബ്ബിറ്റ്സ് വിരമിക്കൽ പ്രഖ്യാപിച്ചത്. അന്താരാഷ്ട്ര വിദ്യാർത്ഥികളുടെ എണ്ണം വർധിച്ചതിനൊപ്പം അദ്ദേഹത്തിന്റെ ശമ്പളത്തിലും വലിയ വർധനവുണ്ടായതായി റിപ്പോർട്ടുകൾ വ്യക്തമാക്കുന്നു.

വാട്ടർലൂ റീജിയൺ ഡിസ്ട്രിക്റ്റ് സ്കൂൾ ബോർഡ് മുൻ എഡ്യൂക്കേഷൻ ഡയറക്ടർ ജീവൻ ചാണിക്ക (jeewan chanicka) പട്ടികയിലെ മറ്റൊരു ശ്രദ്ധേയമായ പേരാണ്. 2024 ഡിസംബറിൽ സ്കൂൾ ബോർഡിൽ നിന്ന് പെട്ടെന്ന് രാജിവെച്ച അദ്ദേഹത്തിന് ശമ്പളം തുടർച്ചയായി നൽകുന്നതിനെക്കുറിച്ച് അധികൃതർ വിശദീകരണം നൽകി. ഡയറക്ടർമാരുടെ പേഴ്സണൽ സർവീസ് എഗ്രിമെന്റിന്റെ ഭാഗമായാണ് ഇത്തരത്തിൽ ശമ്പളം നൽകുന്നതെന്ന് സ്കൂൾ ബോർഡ് പ്രസ്താവനയിൽ അറിയിച്ചു. അദ്ദേഹത്തിന്റെ വിടവാങ്ങൽ സംബന്ധിച്ച കൂടുതൽ വിവരങ്ങൾ വരും ദിവസങ്ങളിൽ പുറത്തുവിടുമെന്ന് അധികൃതർ വ്യക്തമാക്കി.

https://yfalanguageacademy.com

കുടിശ്ശിക തീർപ്പാക്കൽ, പുതിയ കരാറുകൾ തുടങ്ങിയ ഘടകങ്ങളാണ് ഇത്തവണ ലിസ്റ്റിലെ അംഗങ്ങളുടെ എണ്ണം വർധിക്കാൻ കാരണമായതെന്ന് ട്രഷറി ബോർഡ് പ്രസിഡന്റ് കരോലിൻ മൾറോണി അറിയിച്ചു. സ്കൂൾ ബോർഡുകൾ, ആശുപത്രികൾ, ആരോഗ്യ ബോർഡുകൾ എന്നിവിടങ്ങളിലെ നഴ്സുമാരും അധ്യാപകരുമാണ് പട്ടികയിൽ ഭൂരിഭാഗവും. ഒന്റാരിയോ പവർ ജനറേഷൻ പ്രസിഡന്റ് കെൻ ഹാർട്ട്വിക് ആണ് 1.9 മില്യൺ ഡോളർ ശമ്പളത്തോടെ സംസ്ഥാനതലത്തിൽ ഒന്നാമത്. വരും ദിവസങ്ങളിൽ പ്രാദേശിക ഭരണകൂടങ്ങളിലെ കൂടുതൽ പേരുടെ ശമ്പള വിവരങ്ങൾ പുറത്തുവിടുമെന്ന് വിലയിരുത്തപ്പെടുന്നു.

Waterloo Region’s Sunshine List released; Marcela Lopez tops highest-paid list

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt