ബ്രിട്ടീഷ് കൊളംബിയ: ബ്രിട്ടീഷ് കൊളംബിയയിലുണ്ടായ കാട്ടുതീയെത്തുടർന്ന് സമ്മർലാൻഡിൽ വയോധിക മരിച്ചു. മെഡോ വാലിയിൽ സ്ഥിതി ചെയ്യുന്ന വീട്ടിൽ നിന്ന് ബന്ധുവിനൊപ്പം സുരക്ഷിത കേന്ദ്രത്തിലേക്ക് മാറാൻ ശ്രമിക്കുന്നതിനിടെയാണ് 80-കാരി മരിച്ചത്. ശനിയാഴ്ച പുലർച്ചെ ഒരു മണിയോടെയാണ് വയോധികയുടെ മരണം റിപ്പോർട്ട് ചെയ്തതെന്ന് റോയൽ കനേഡിയൻ മൗണ്ടഡ് പോലീസ് (RCMP) സ്ഥിരീകരിച്ചു. വയോധികയുടെ മരണം കാട്ടുതീ മൂലമുണ്ടായ ആഘാതം കാരണമാണെന്ന് സംശയിക്കുന്നുണ്ടെങ്കിലും ബി.സി. കൊറോണേഴ്സ് സർവീസ് വിശദമായ അന്വേഷണം നടത്തുന്നുണ്ടെന്ന് പോലീസ് മേധാവി അറിയിച്ചു. നിലവിൽ പ്രദേശത്ത് രക്ഷാപ്രവർത്തനവും ദുരിതാശ്വാസ പ്രവർത്തനങ്ങളും ദ്രുതഗതിയിൽ പുരോഗമിക്കുകയാണ്.
വെള്ളിയാഴ്ച വൈകുന്നേരം തുടങ്ങിയ ‘ബാൾഡ് റേഞ്ച്’ (Bald Range) കാട്ടുതീ വരണ്ട കാലാവസ്ഥയും ശക്തമായ കാറ്റും മൂലം മിനിറ്റുകൾക്കകം നിയന്ത്രണാതീതമായി പടരുകയായിരുന്നു. ഫോൾഡർ, മെഡോ വാലി എന്നീ പ്രദേശങ്ങളെ ചാരമാക്കിയ തീ ഒകനാഗൻ തടാകത്തിന്റെ ദിശയിലേക്ക് അതിവേഗം പടർന്നുപിടിക്കുകയാണുണ്ടായത്.
അപകടത്തെ തുടർന്ന് സമ്മർലാൻഡിലും പരിസര പ്രദേശങ്ങളിലുമായി 20,000-ത്തിലധികം ആളുകളെയാണ് അടിയന്തരമായി വീടുകളിൽ നിന്ന് ഒഴിപ്പിച്ചത്. പുകപടലങ്ങൾ കാരണം മേഖലയിലാകെ വായുഗുണനിലവാരം മോശം അവസ്ഥയിലായിട്ടുണ്ട്.
Wildfire claims a life; tragic end for 80-year-old woman in Summerland.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
