ഒട്ടാവ: 2026-ലെ ഫിഫ ലോകകപ്പ് ഫുട്ബോൾ മത്സരങ്ങൾക്കായി അമേരിക്ക, കാനഡ, മെക്സിക്കോ എന്നീ മൂന്ന് രാജ്യങ്ങളിലായി 16 സ്റ്റേഡിയങ്ങൾ തയ്യാറായിക്കഴിഞ്ഞു. ജൂൺ 11 മുതൽ ജൂലൈ 19 വരെ നടക്കുന്ന ഈ ടൂർണമെന്റിൽ ചരിത്രത്തിലാദ്യമായി 48 ടീമുകൾ പങ്കെടുക്കുന്നുണ്ട്. മെക്സിക്കോ സിറ്റിയിലെ പ്രശസ്തമായ അസ്ടെക്ക സ്റ്റേഡിയത്തിലാണ് ആദ്യ മത്സരം നടക്കുന്നത്. ജൂലൈ 19-ന് ന്യൂയോർക്കിലെ മെറ്റ്ലൈഫ് സ്റ്റേഡിയത്തിൽ ഫൈനൽ മത്സരവും നടക്കും. മൂന്ന് രാജ്യങ്ങൾ ചേർന്ന് ഒരു ലോകകപ്പ് നടത്തുന്നത് ഇതാദ്യമായാണ്.
കൂടുതൽ മത്സരങ്ങളും നടക്കുന്നത് അമേരിക്കയിലാണ്. അമേരിക്കയിലെ കാൻസസ് സിറ്റി, ഡാലസ്, ബോസ്റ്റൺ, മയാമി, സാൻ ഫ്രാൻസിസ്കോ, ഫിലാഡൽഫിയ, സിയാറ്റിൽ, അറ്റ്ലാന്റ, ന്യൂയോർക്ക്, ഹൂസ്റ്റൺ, ലോസ് ആഞ്ചലസ് എന്നീ 11 നഗരങ്ങളിലെ സ്റ്റേഡിയങ്ങളാണ് മത്സരങ്ങൾക്ക് വേദിയാകുന്നത്. ഇതിൽ അറ്റ്ലാന്റയിലും 94,000 പേർക്ക് ഇരിക്കാവുന്ന ഡാലസ് സ്റ്റേഡിയത്തിലുമാണ് സെമിഫൈനൽ മത്സരങ്ങൾ നടക്കുക. ലോസ് ആഞ്ചലസ്, മയാമി തുടങ്ങിയ നഗരങ്ങളിൽ നോക്കൗട്ട് മത്സരങ്ങളും നടക്കും. ജൂൺ 12-ന് ലോസ് ആഞ്ചലസിൽ വെച്ച് പരാഗ്വെയ്ക്കെതിരെയാണ് അമേരിക്കയുടെ ആദ്യ മത്സരം.
മെക്സിക്കോയിൽ മൂന്നും കാനഡയിൽ രണ്ടും നഗരങ്ങളിലാണ് മത്സരങ്ങൾ നടക്കുന്നത്. മെക്സിക്കോ സിറ്റി, ഗ്വാഡലഹാര, മോണ്ടെറേ എന്നിവയാണ് മെക്സിക്കോയിലെ വേദികൾ. ഇതിൽ ഉദ്ഘാടന മത്സരം നടക്കുന്ന അസ്ടെക്ക സ്റ്റേഡിയം, മൂന്ന് ലോകകപ്പുകൾക്ക് (1970, 1986, 2026) വേദിയാകുന്ന ആദ്യ സ്റ്റേഡിയമെന്ന റെക്കോർഡ് സ്വന്തമാക്കും. ജൂൺ 11-ലെ ആദ്യ മത്സരത്തിൽ മെക്സിക്കോ ദക്ഷിണാഫ്രിക്കയെ നേരിടും. ടൊറന്റോ, വാൻകൂവർ എന്നീ നഗരങ്ങളിലാണ് മറ്റ് മത്സരങ്ങൾ. ജൂൺ 12-ന് ടൊറന്റോയിൽ നടക്കുന്ന മത്സരത്തിൽ കാനഡ ബോസ്നിയയെ നേരിടും.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
From Mexico City to Vancouver; These are the 16 possible venues for the FIFA World Cup
