റെജൈന: വീടിന് പുറത്തുണ്ടായ തർക്കത്തിനിടെ കത്തിയുപയോഗിച്ച് ആക്രമണം നടത്തിയ സംഭവത്തിൽ 34-കാരനെതിരെ ഗുരുതര ആക്രമണക്കുറ്റം ചുമത്തി റജീന പൊലീസ്. വ്യാഴാഴ്ച ഉച്ചയ്ക്ക് നടന്ന സംഭവത്തിൽ ഒരാൾക്ക് പരിക്കേറ്റതായും ഇയാളെ ആശുപത്രിയിൽ പ്രവേശിപ്പിച്ചതായും പൊലീസ് അറിയിച്ചു.
വ്യാഴാഴ്ച ഉച്ചയ്ക്ക് ഏകദേശം 12.40ഓടെ റോയൽ സ്ട്രീറ്റിലെ 900-ാം ബ്ലോക്കിൽ ആയുധം ഉപയോഗിച്ചുള്ള ആക്രമണം നടന്നതായി വിവരം ലഭിച്ചതിനെ തുടർന്നാണ് പൊലീസ് സ്ഥലത്തെത്തിയത്. പരിശോധനയിൽ വീടിന് പുറത്തുവെച്ച് വാക്കേറ്റം സംഘർഷത്തിലേക്ക് നീങ്ങുകയും അതിനിടെ ഒരാൾക്ക് കത്തി ഉപയോഗിച്ചുണ്ടായതെന്ന് സംശയിക്കുന്ന തരത്തിലുള്ള പരിക്കേൽക്കുകയും ചെയ്തതായി അന്വേഷണത്തിൽ വ്യക്തമായി.
സംഭവവുമായി ബന്ധപ്പെട്ട് ഒരാളെ പൊലീസ് അറസ്റ്റ് ചെയ്തു. അന്വേഷണത്തിനിടെ ആക്രമണത്തിന് ഉപയോഗിച്ചതായി കരുതുന്ന കത്തിയും പൊലീസ് കണ്ടെത്തി.പരിക്കേറ്റയാളെ അടിയന്തര മെഡിക്കൽ സേവന വിഭാഗം (EMS) ആശുപത്രിയിലെത്തിച്ചു. പരിക്കുകൾ ഗുരുതരമല്ലെന്നും ജീവന് ഭീഷണിയില്ലെന്നും പൊലീസ് അറിയിച്ചു.
സംഭവത്തിൽ 34 വയസ്സുള്ള പ്രതിക്കെതിരെ ഗുരുതര ആക്രമണം (Aggravated Assault) എന്ന കുറ്റം ചുമത്തിയിട്ടുണ്ട്. കേസിൽ പ്രതി ഓഗസ്റ്റ് 4-ന് റെജൈന പ്രൊവിൻഷ്യൽ കോടതിയിൽ ഹാജരാകും.
Stabbing in Regina; police charge 34-year-old with serious assault.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
