ഒന്റാറിയോ: കേരള അസോസിയേഷൻ ഓഫ് സെന്റ് തോമസ് ഒന്റാറിയോയും (KASTO) നൂപുര സ്കൂൾ ഓഫ് മ്യൂസിക് ആൻഡ് ഡാൻസും സംയുക്തമായി സംഘടിപ്പിക്കുന്ന ഡാൻസ് ക്ലാസ് ഒന്നാം വാർഷിക ആഘോഷമായ ‘ഡാൻസ് ഫെസ്റ്റ് 2026’ ഇന്ന് (ജൂലൈ 25) നടക്കും. വിദ്യാർത്ഥികളുടെ കലാവാസനകൾ പങ്കുവെക്കുന്നതിനും കമ്മ്യൂണിറ്റി കൂട്ടായ്മ ശക്തിപ്പെടുത്തുന്നതിനുമായാണ് ഈ ആഘോഷം സംഘടിപ്പിക്കുന്നത്.
സെന്റ് തോമസിലെ ‘മസോണിക് സെന്റർ ഓഫ് എൽജിൻ’ വേദിയിലായിരിക്കും പരിപാടികൾ അരങ്ങേറുന്നത്. വൈകുന്നേരം 4:00 മണി മുതൽ രാത്രി 8:00 മണി വരെയാണ് ചടങ്ങുകൾ ക്രമീകരിച്ചിരിക്കുന്നത്.
വിദ്യാർത്ഥികൾ അവതരിപ്പിക്കുന്ന വിവിധങ്ങളായ നൃത്ത-സംഗീത പരിപാടികൾ ആഘോഷത്തിന് മാറ്റുകൂട്ടും. പരിപാടിയിലേക്ക് ഏവർക്കും പ്രവേശനം സൗജന്യമാണെന്ന് കെഎസ്ടിഒ സംഘാടകരും നൂപുര സ്കൂൾ ഓഫ് ഡാൻസ് അധികൃതരും അറിയിച്ചു. സെന്റ് തോമസിലെ മുഴുവൻ മലയാളി കുടുംബങ്ങളെയും പരിപാടിയിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
St. Thomas KSTO and Noopura School join hands; ‘Dance Fest 2026’ today
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
