ലോകകപ്പ് ഫുട്ബോളിന്റെ ആവേശകരമായ സെമിഫൈനൽ പോരാട്ടത്തിൽ ഫ്രഞ്ച് പടയെ തരിപ്പണമാക്കി സ്പെയിൻ ഫൈനലിലേക്ക്. ടെക്സാസിലെ ഡാളസ് സ്റ്റേഡിയത്തിൽ നടന്ന തീപാറുന്ന പോരാട്ടത്തിൽ എതിരില്ലാത്ത രണ്ട് ഗോളുകൾക്കാണ് സ്പാനിഷ് നിര തങ്ങളുടെ ആധിപത്യം ഉറപ്പിച്ചത്.
കളിയിലുടനീളം പന്തടക്കത്തിലും ആക്രമണത്തിലും മികച്ചുനിന്ന സ്പെയിന് മുന്നിൽ ഫ്രാൻസിന് മറുപടിയില്ലാതെ മടങ്ങേണ്ടി വന്നു.മത്സരത്തിന്റെ ആദ്യ പകുതിയിൽ തന്നെ സ്പെയിൻ കളിയിൽ പിടിമുറുക്കിയിരുന്നു. 22-ാം മിനിറ്റിൽ ലഭിച്ച പെനാൽറ്റി ലക്ഷ്യത്തിലെത്തിച്ച് മിക്കൽ ഒയാർസബാലാണ് സ്പെയിനിന് ആദ്യ ലീഡ് സമ്മാനിച്ചത്. ഒരു ഗോൾ വഴങ്ങിയതോടെ തിരിച്ചടിക്കാൻ ഫ്രാൻസ് കിണഞ്ഞു ശ്രമിച്ചെങ്കിലും സ്പാനിഷ് പ്രതിരോധ കോട്ട ഭേദിക്കാൻ കിലിയൻ എംബാപ്പെയ്ക്കും കൂട്ടർക്കും സാധിച്ചില്ല.
തുടർന്ന് രണ്ടാം പകുതിയിലും തങ്ങളുടെ ആക്രമണ ശൈലി തുടർന്ന സ്പെയിൻ 58-ാം മിനിറ്റിൽ രണ്ടാം ഗോളും നേടി. പെഡ്രോ പോറോയുടെ തകർപ്പൻ ഫിനിഷിംഗാണ് ഫ്രാൻസിന്റെ തിരിച്ചുവരവിനുള്ള എല്ലാ പ്രതീക്ഷകളും തകർത്തുകൊണ്ട് സ്പെയിനിന്റെ വിജയം സുരക്ഷിതമാക്കിയത്. തുടർച്ചയായ മൂന്ന് വർഷങ്ങളിൽ യൂറോ കപ്പിലും നേഷൻസ് ലീഗിലും ഇപ്പോൾ ലോകകപ്പിലും ഫ്രാൻസിനെ സെമിഫൈനലിൽ വീഴ്ത്തി എന്ന അപൂർവ്വ നേട്ടവും ഇതോടെ സ്പെയിൻ സ്വന്തമാക്കി.
Spain defeats France to reach the World Cup final!
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
