Parkdale-High Park, Davenport, University-Rosedale തുടങ്ങിയ ടൊറന്റോയിലെ പല പ്രദേശങ്ങളിലും last-mile പാക്കേജ് വിതരണത്തിനായി സ്വയം നിയന്ത്രിത 20 റോബോട്ടുകളെ പരീക്ഷണം നടത്താൻ Magna International Inc. പദ്ധതി ആരംഭിച്ചു. മണിക്കൂറിൽ 32 കിലോമീറ്ററിൽ താഴെ വേഗതയിൽ സഞ്ചരിക്കുന്ന ഈ കോംപാക്റ്റ് മൂന്ന് ചക്ര വാഹനങ്ങളാണ്.കോഡ് ഉപയോഗിച്ച് ആക്സസ് ചെയ്യാവുന്ന ലോക്ക് ചെയ്ത ബോക്സുകളിലാണ് ഡെലിവറി സാധനങ്ങൾ സൂക്ഷിക്കുന്നത്.
ഒന്റാരിയോ ഗതാഗത മന്ത്രാലയം ഈ പദ്ധതിക്ക് അംഗീകാരം നൽകിയെങ്കിലും, ടൊറന്റോ നഗരം തീരുമാനത്തിൽ നേരിട്ട് പങ്കാളിയായിരുന്നില്ല. ഇത് കൗൺസിലർ ഡയാൻ സാക്സ് ഉൾപ്പെടെയുള്ളവരുടെ വിമർശനത്തിന് കാരണമായി. കാൽനടക്കാർക്കുള്ള സുരക്ഷാ ആശങ്കകൾ അവർ ഉന്നയിക്കുകയും മുനിസിപ്പൽ തലത്തിൽ ഇൻപുട്ട് ലഭിക്കാത്തതിൽ എതിർപ്പ് രേഖപ്പെടുത്തുകയും ചെയ്തു. “ഇലക്ട്രിക് കാർഗോ ബൈക്കുകൾ പോലുള്ള നിലവിലുള്ള വിതരണ മാർഗങ്ങൾ കൂടുതൽ സുരക്ഷിതവും സുസ്ഥിരവുമാണ്,” എന്ന് സാക്സ് പറഞ്ഞു.
എന്നാൽ, സർവകലാശാല അധ്യാപകരും ഗതാഗത വിദഗ്ധരും ഈ പദ്ധതിയെ പിന്തുണയ്ക്കുന്നു. അവർ ഇതിനെ നഗരത്തിൽ സ്വയം നിയന്ത്രിത സാങ്കേതികവിദ്യകൾ ഉൾപ്പെടുത്തുന്നതിന്റെ ആദ്യ ചുവടായി കാണുകയും നിയന്ത്രിത പരീക്ഷണങ്ങളുടെ പ്രാധാന്യം അവർ എടുത്തുകാട്ടുന്നു ചെയ്തു. സുരക്ഷ ഉറപ്പാക്കാൻ കർശന നിയന്ത്രണങ്ങളും ഏർപ്പെടുത്തിയിട്ടുണ്ട്. 32 കി.മീ വേഗപരിധി, 40 കി.മീ അല്ലെങ്കിൽ അതിൽ താഴെയുള്ള വേഗപരിധിയുള്ള റോഡുകൾ, മനുഷ്യ നിരീക്ഷണം, ബൈക്ക് ലെയിനുകളിൽ പ്രവർത്തിക്കാതിരിക്കൽ എന്നിവ ഉൾപ്പെടെയുള്ള സുരക്ഷാ നടപടികൾ സ്വീകരിച്ചിട്ടുണ്ട്. നഗരങ്ങളിലെ വിതരണ ശൃംഖലയിൽ റോബോട്ടുകളുടെ കാര്യക്ഷമത പരീക്ഷിക്കുകയാണ് ഈ പരീക്ഷണത്തിന്റെ ലക്ഷ്യം.
