ഒന്റാറിയോ: നയാഗ്ര ഫാൾസിന് സമീപം വ്യാഴാഴ്ച രാത്രിയുണ്ടായ വെടിവെപ്പിൽ ഒരാൾ കൊല്ലപ്പെട്ടു. ഒന്റാറിയോയിലെ തോറോൾഡ് സ്റ്റോൺ റോഡിനും ഡോർചെസ്റ്റർ റോഡിനും സമീപമുള്ള ഒരു വീട്ടിൽ രാത്രി 8.50-ഓടെയാണ് സംഭവം നടന്നത്. വീട്ടിലെത്തിയ രണ്ടുപേർ ഒരു യുവാവിന് നേരെ വെടിയുതിർക്കുകയായിരുന്നു. ഗുരുതരമായി പരിക്കേറ്റ ഇയാളെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വ്യക്തിപരമായ മുൻവൈരാഗ്യമാണ് ആക്രമണത്തിന് പിന്നിലെന്നാണ് പോലീസിന്റെ പ്രാഥമിക നിഗമനം.
സംഭവത്തിന് ശേഷം രക്ഷപെട്ട പ്രതികളായ യുവതിക്കും യുവാവിനുമായി നയാഗ്ര റീജിയണൽ പോലീസ് വ്യാപകമായ തിരച്ചിൽ ആരംഭിച്ചിട്ടുണ്ട്. അന്വേഷണത്തിന്റെ ഭാഗമായി പ്രതികളുടെ ഏകദേശ വിവരങ്ങൾ പോലീസ് പുറത്തുവിട്ടു. 25-നും 35-നും ഇടയിൽ പ്രായവും, മെലിഞ്ഞ ശരീരവുമുള്ള ആളാണ് ഒന്നാം പ്രതി. 18-നും 25-നും ഇടയിൽ പ്രായമുള്ള ഒരു യുവതിയാണ് കൂടെയുണ്ടായിരുന്നത്. മോഡലിലുള്ള വെള്ള നിറത്തിലുള്ള നിസാൻ എസ്യുവി (SUV) കാറിലാണ് പ്രതികൾ എത്തിയതെന്നും പോലീസ് സ്ഥിരീകരിച്ചിട്ടുണ്ട്.
കേസ് നിലവിൽ ക്രൈം വിഭാഗം ഏറ്റെടുത്ത് അന്വേഷിക്കുകയാണ്. പ്രതികളെയും അവർ ഉപയോഗിച്ച തോക്കും കണ്ടെത്താത്തതിനാൽ പൊതുജനങ്ങൾ ജാഗ്രത പാലിക്കണമെന്ന് പോലീസ് നിർദ്ദേശിച്ചു. പ്രദേശത്തെ വ്യാപാര സ്ഥാപനങ്ങളിലെ സിസിടിവി (CCTV) ദൃശ്യങ്ങൾ പരിശോധിച്ച് എന്തെങ്കിലും സൂചന ലഭിക്കുന്നവർ ഉടൻ തന്നെ വിവരമറിയിക്കണമെന്ന് അധികൃതർ ആവശ്യപ്പെട്ടിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Shooting at Niagara Falls: One killed; police intensify search for suspects.
