തിരുവനന്തപുരം: സംസ്ഥാനത്ത് നികുതി നിരക്കുകൾ വർദ്ധിപ്പിച്ചുകൊണ്ട് ഖജനാവ് നിറയ്ക്കാൻ സർക്കാർ ഉദ്ദേശിക്കുന്നില്ലെന്ന് മുഖ്യമന്ത്രി വി.ഡി. സതീശൻ വ്യക്തമാക്കി. നിലവിലുള്ള നികുതി ശൃംഖല (ടാക്സ് നെറ്റ്വർക്ക്) വിപുലീകരിക്കുകയാണ് വേണ്ടത്. വിഴിഞ്ഞം പോർട്ട് സിറ്റി പദ്ധതി കേരളത്തിന്റെ സാമ്പത്തിക മേഖലയ്ക്ക് വലിയ ഉത്തേജനം നൽകുന്ന ഒന്നാണ്. ഇത് കേരളത്തിന്റെ വികസനത്തിലേക്കുള്ള പുതിയ വാതിലുകൾ തുറക്കുമെന്നും, സംസ്ഥാനത്തിന്റെ സ്വപ്ന പദ്ധതിയായ ഇതിലൂടെ കൂടുതൽ നിർമ്മാണ പ്രവർത്തനങ്ങൾ വിഭാവനം ചെയ്യുന്നുണ്ടെന്നും അദ്ദേഹം കൂട്ടിച്ചേർത്തു. വൻതോതിൽ പണം മുടക്കാതെ തന്നെ നടപ്പിലാക്കാൻ സാധിക്കുന്ന ഒരു പുതിയ വികസന മാതൃകയാണ് സർക്കാർ ലക്ഷ്യമിടുന്നത്.
അതേസമയം, വിഴിഞ്ഞം അന്താരാഷ്ട്ര തുറമുഖത്തിന്റെ ഓഹരികൾ എം.എസ്.സിക്ക് കൈമാറാനുള്ള അദാനി ഗ്രൂപ്പിന്റെ നീക്കത്തിൽ മുഖ്യമന്ത്രി വി.ഡി. സതീശൻ ശക്തമായ അതൃപ്തി രേഖപ്പെടുത്തി. മുൻകൂട്ടി അറിയിക്കാതെയുള്ള ഈ വിദേശ നിക്ഷേപ നീക്കത്തിൽ അതൃപ്തി അറിയിച്ച മുഖ്യമന്ത്രിയുടെ ഓഫീസ്, തുറമുഖത്തിന്റെ ഓഹരി ഘടനയിൽ എന്തെങ്കിലും മാറ്റം വരുത്തണമെങ്കിൽ സർക്കാരിന്റെ മുൻകൂർ അനുമതി ആവശ്യമാണെന്ന് വ്യക്തമാക്കി. ഈ സാഹചര്യത്തിൽ അദാനിയുടെ ഓഹരി കൈമാറ്റ നടപടിയിൽ നിയമോപദേശം തേടാനും വിദഗ്ധ പരിശോധന നടത്താനുമാണ് സർക്കാർ തീരുമാനം. വ്യവസ്ഥകൾ പാലിച്ചുകൊണ്ടുള്ള കർശനമായ പരിശോധനകൾക്ക് ശേഷം മാത്രമേ അന്തിമ കരാറിന് സർക്കാർ അനുമതി നൽകുകയുള്ളൂ.
എല്ലാ കാര്യങ്ങളും നിലവിലുള്ള വ്യവസ്ഥകൾ അനുസരിച്ചാണ് നടക്കുന്നതെന്നും സർക്കാരിന്റെ കൃത്യമായ അനുമതി ലഭിച്ചതിന് ശേഷം മാത്രമേ അന്തിമ കരാറിലേക്ക് കടക്കൂ എന്നുമാണ് അദാനി ഗ്രൂപ്പിന്റെ ഔദ്യോഗിക നിലപാട്. അതിനാൽ തന്നെ കരാറുകൾക്ക് മേൽ സർക്കാർ അതിവേഗം പച്ചക്കൊടി കാട്ടില്ലെന്നാണ് സൂചന. അതേസമയം, വിഴിഞ്ഞം തുറമുഖവുമായി ബന്ധപ്പെട്ട് ഉയർന്നു വന്നിട്ടുള്ള ഈ പുതിയ ഓഹരി വിവാദം സർക്കാരിനെതിരെയുള്ള ശക്തമായ രാഷ്ട്രീയ ആയുധമാക്കി മാറ്റി മുന്നോട്ട് പോകാനാണ് സംസ്ഥാനത്തെ പ്രതിപക്ഷത്തിന്റെ തീരുമാനം.
“We will not fill the coffers by squeezing the people!” Satheesan’s red signal for tax hike; Port City to change the game!
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
