വാഷിംഗ്ടൺ: 2026-ലെ കേരള നിയമസഭാ തിരഞ്ഞെടുപ്പുമായി ബന്ധപ്പെട്ട ആഗോള പ്രവചന വിപണിയിൽ എൽഡിഎഫിന് അനുകൂലമായ വലിയ മുന്നേറ്റം ദൃശ്യമാകുന്നു. അമേരിക്ക ആസ്ഥാനമായുള്ള പ്രമുഖ പ്രവചന പ്ലാറ്റ്ഫോമായ പോളിമാർക്കറ്റിലെ പുതിയ കണക്കുകൾ പ്രകാരം ഇടതുമുന്നണിക്ക് നിലവിൽ 80 ശതമാനം വിജയസാധ്യതയാണ് കൽപ്പിക്കപ്പെടുന്നത്. മുഖ്യ പ്രതിപക്ഷമായ കോൺഗ്രസിന് വെറും 22 ശതമാനം സാധ്യത മാത്രമാണ് നിക്ഷേപകർ പ്രവചിക്കുന്നത്. ബിജെപി ഉൾപ്പെടെയുള്ള മറ്റ് രാഷ്ട്രീയ കക്ഷികൾ ഒരു ശതമാനത്തിൽ താഴെ മാത്രമാണ് വിപണിയിലെ ട്രെൻഡിൽ നിലവിൽ ഇടംപിടിച്ചിട്ടുള്ളത്.
ക്രിപ്റ്റോ കറൻസി ഉപയോഗിച്ച് ഷെയറുകൾ വാങ്ങുകയും വിൽക്കുകയും ചെയ്യുന്ന ട്രേഡർമാരുടെ കൂട്ടായ വിലയിരുത്തലുകളാണ് ഈ പ്രവചനത്തിന് ആധാരം. ഏകദേശം 2,51,566 ഡോളറിന്റെ വൻ ട്രേഡിങ്ങ് വോള്യമാണ് ഈ തിരഞ്ഞെടുപ്പ് മാർക്കറ്റിൽ ഇതുവരെ രേഖപ്പെടുത്തിയിരിക്കുന്നത്. ജനുവരി മുതൽ ഏപ്രിൽ വരെയുള്ള കാലയളവിലെ വിപണി ഗ്രാഫുകൾ പരിശോധിച്ചാൽ സിപിഐഎമ്മിന്റെ സാധ്യതകളിൽ ചില ഏറ്റക്കുറച്ചിലുകൾ ദൃശ്യമാണ്. ഏപ്രിൽ അവസാന ഘട്ടത്തിൽ ഗ്രാഫിൽ ഒരു പെട്ടെന്നുള്ള ഇടിവ് പ്രകടമായെങ്കിലും മൊത്തത്തിലുള്ള വിപണി ഡാറ്റയിൽ എൽഡിഎഫ് ഇപ്പോഴും ബഹുദൂരം മുന്നിലാണ്.
ആഗോളതലത്തിലുള്ള ട്രേഡർമാരുടെ ഈ വിലയിരുത്തലുകൾ എൽഡിഎഫിന് അനുകൂലമാണെങ്കിലും രാഷ്ട്രീയ നിരീക്ഷകർ ഇതിനെ ഒരു സൂചനയായി മാത്രമാണ് കണക്കാക്കുന്നത്. തിരഞ്ഞെടുപ്പിന് ശേഷം ഏറ്റവും കൂടുതൽ സീറ്റുകൾ നേടുന്ന ഒറ്റ പാർട്ടിയെ അടിസ്ഥാനമാക്കിയാകും വിജയിയെ തീരുമാനിക്കുക എന്നതാണ് പോളിമാർക്കറ്റിലെ നിയമം. യഥാർത്ഥ തിരഞ്ഞെടുപ്പ് ഫലം സംസ്ഥാനത്തെ മുന്നണി സമവാക്യങ്ങൾക്കും പ്രാദേശിക രാഷ്ട്രീയ സാഹചര്യങ്ങൾക്കും അനുസൃതമായിരിക്കുമെന്നിരിക്കെ, പോളിമാർക്കറ്റിലെ ഈ ട്രെൻഡ് വരുംദിവസങ്ങളിൽ കേരള രാഷ്ട്രീയ ചർച്ചകളിൽ വലിയ പ്രാധാന്യം നേടും.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Polymarket predicts that LDF is far ahead, leaving UDF behind
