തിരുവനന്തപുരം : കേരളത്തിന്റെ പതിമൂന്നാം മുഖ്യമന്ത്രിയായി കോൺഗ്രസ് നേതാവ് വി.ഡി. സതീശൻ ഇന്ന് സത്യപ്രതിജ്ഞ ചെയ്ത് അധികാരമേൽക്കും. തിരുവനന്തപുരം സെൻട്രൽ സ്റ്റേഡിയത്തിൽ രാവിലെ 10 മണിക്ക് നടക്കുന്ന വിപുലമായ ചടങ്ങിൽ ഗവർണർ ആരിഫ് മുഹമ്മദ് ഖാൻ സത്യവാചകം ചൊല്ലിക്കൊടുക്കും. മുഖ്യമന്ത്രിക്ക് പുറമെ പതിനാല് പുതുമുഖങ്ങൾ ഉൾപ്പെടെ ഇരുപത് യുഡിഎഫ് മന്ത്രിമാരും ഇന്നത്തെ ചടങ്ങിൽ ഒന്നിച്ച് സത്യപ്രതിജ്ഞ ചെയ്ത് ചുമതലയേൽക്കും. കോൺഗ്രസ് അധ്യക്ഷൻ മല്ലികാർജുൻ ഖാർഗെ, മുതിർന്ന നേതാക്കളായ രാഹുൽ ഗാന്ധി, പ്രിയങ്ക ഗാന്ധി തുടങ്ങിയ ദേശീയ നേതാക്കൾ ചരിത്ര നിമിഷത്തിന് സാക്ഷ്യം വഹിക്കാൻ തലസ്ഥാനത്ത് എത്തിച്ചേർന്നിട്ടുണ്ട്. വിപുലമായ ജനപങ്കാളിത്തം കണക്കിലെടുത്ത് കനത്ത സുരക്ഷാ വലയത്തിലാണ് തിരുവനന്തപുരം നഗരം.
സത്യപ്രതിജ്ഞയ്ക്ക് ശേഷം ചേരുന്ന ആദ്യ മന്ത്രിസഭാ യോഗത്തിൽ വൻ ജനപ്രിയ പ്രഖ്യാപനങ്ങളാണ് പുതിയ സർക്കാർ ലക്ഷ്യമിടുന്നത്. ആശാ വർക്കർമാരുടെ ഓണറേറിയം വർധിപ്പിക്കൽ, കെഎസ്ആർടിസി ബസുകളിൽ സ്ത്രീകൾക്ക് സൗജന്യ യാത്ര അനുവദിക്കൽ തുടങ്ങിയ നിർണായക തീരുമാനങ്ങൾ ആദ്യ കാബിനറ്റിൽ ഉണ്ടായേക്കുമെന്നാണ് സൂചന. കൂടാതെ, കൊച്ചി മാതൃകയിൽ വിശപ്പ് രഹിത കേരളം ലക്ഷ്യമിട്ട് സംസ്ഥാനത്തുടനീളം ‘ഇന്ദിര കാന്റീനുകൾ’ ആരംഭിക്കുന്നതിനുള്ള പദ്ധതിയും സർക്കാർ പ്രഖ്യാപിച്ചേക്കും. സാമൂഹിക-പ്രാദേശിക സമവായങ്ങൾ പാലിച്ചുകൊണ്ട് വനിതകൾക്കും ദളിത് വിഭാഗങ്ങൾക്കും അർഹമായ പ്രാതിനിധ്യം ഉറപ്പാക്കിയാണ് പുതിയ മന്ത്രിസഭ അധികാരത്തിലേറുന്നത്.
V.D. Satheesan to take office as 13th Chief Minister today; Heavy security in the capital
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
