ഓട്ടവ: കാനഡയിലെ കാർഷിക-ഭക്ഷ്യ മേഖല വിപുലീകരിക്കുന്നതിനും പ്രൊവിൻസിലെ ഭക്ഷ്യസുരക്ഷ ഉറപ്പാക്കുന്നതിനുമായി ഫെഡറൽ-പ്രൊവിൻഷ്യൽ സർക്കാരുകൾ 2 മില്യൺ ഡോളറിന്റെ പുതിയ സാമ്പത്തിക സഹായ പദ്ധതി പ്രഖ്യാപിച്ചു. ഒന്റാറിയോയുടെ ‘ഫുഡ് സേഫ്റ്റി ആൻഡ് ഗ്രോത്ത് ഇനിഷ്യേറ്റീവ്’ രണ്ടാം ഘട്ടത്തിന്റെ (Intake 2) ഭാഗമായാണ് ഈ ഫണ്ട് അനുവദിച്ചിരിക്കുന്നത്. പ്രാദേശിക ഭക്ഷ്യ ഉൽപ്പാദനം കൂട്ടാനും വിതരണ ശൃംഖല കൂടുതൽ സുരക്ഷിതമാക്കാനുമാണ് ഭരണകൂടം ഈ പദ്ധതിയിലൂടെ ലക്ഷ്യമിടുന്നത്. ഫെഡറൽ അഗ്രികൾച്ചർ മന്ത്രി ഹിത്ത് മക്‌ഡൊണാൾഡ്, ഒന്റാറിയോ അഗ്രികൾച്ചർ മന്ത്രി സാം ഓസ്റ്റർഹോഫ് എന്നിവരാണ് ടൊറന്റോയിൽ വച്ച് പദ്ധതിയുടെ പ്രഖ്യാപനം നടത്തിയത്.
ബാഗ്ഡ് സലാഡുകൾ, ചീസ്, ഐസ്ക്രീം തുടങ്ങിയ ഉൽപ്പന്നങ്ങൾ നിർമ്മിക്കുകയോ പ്രൊസസ് ചെയ്യുകയോ ചെയ്യുന്ന സ്ഥാപനങ്ങൾക്കാണ് ഈ പദ്ധതിയുടെ ആനുകൂല്യം ലഭിക്കുക. 100-ൽ താഴെ ജീവനക്കാരുള്ള ചെറുകിട സ്ഥാപനങ്ങൾക്കാണ് അപേക്ഷിക്കാൻ അർഹതയുള്ളത്. യോഗ്യരായവർക്ക് 2026 ഒക്ടോബർ 19 മുതൽ ഓൺലൈനായി അപേക്ഷകൾ സമർപ്പിക്കാം. 2027 മാർച്ച് 1 വരെയോ, അല്ലെങ്കിൽ അനുവദിച്ച ഫണ്ട് പൂർണ്ണമായി തീരുന്നതു വരെയോ അപേക്ഷകൾ സ്വീകരിക്കുന്നതായിരിക്കും.
Also Read: കാനഡയിൽ നാളെ അപൂർവ്വ ആകാശക്കാഴ്ച: ചന്ദ്രന് പിന്നിൽ വ്യാഴം മറയും; തത്സമയം കാണാം
പദ്ധതിക്ക് കീഴിൽ ഒരു സ്ഥാപനത്തിന് പരമാവധി 75,000 ഡോളർ വരെ സാമ്പത്തിക സഹായം ലഭിക്കും. ഫുഡ് സേഫ്റ്റി ഉപകരണങ്ങൾ വാങ്ങാനും, പുതിയ സാങ്കേതികവിദ്യകൾ നടപ്പിലാക്കാനും, പ്രൊസസിംഗ് രീതികൾ മെച്ചപ്പെടുത്താനുമാണ് ഈ തുക വിനിയോഗിക്കേണ്ടത്. 2024-ൽ ആരംഭിച്ച ഒന്നാം ഘട്ടം വഴി 90 പ്രോജക്റ്റുകൾക്ക് പിന്തുണ നൽകാനും 70-ലധികം പുതിയ തൊഴിലവസരങ്ങൾ സൃഷ്ടിക്കാനും സാധിച്ചിരുന്നു. ഇതിന്റെ വിജയ തുടർച്ചയായാണ് ഇപ്പോൾ രണ്ടാം ഘട്ടം നടപ്പിലാക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
