ക്യാമറയല്ല, ബാറ്ററിയുമല്ല! സ്മാർട്ട്‌ഫോൺ പ്രേമികളെ ഞെട്ടിച്ച ആ രഹസ്യം പുറത്ത്

ഫ്ലിപ്കാർട്ടുമായി സഹകരിച്ച് കൗണ്ടർപോയിന്റ് റിസർച്ച് പുറത്തുവിട്ട “സ്മാർട്ട്ഫോൺ ഇൻസൈറ്റ്സ് റിപ്പോർട്ട് 2026” പ്രകാരം സ്മാർട്ട്‌ഫോൺ തിരഞ്ഞെടുപ്പിൽ ഉപഭോക്താക്കൾ ഇപ്പോൾ ആർട്ടിഫിഷ്യൽ ഇന്റലിജൻസ് (AI) സവിശേഷതകൾക്കാണ് കൂടുതൽ മുൻഗണന നൽകുന്നത്. മുമ്പ് ക്യാമറ, ബാറ്ററി, പ്രോസസർ, ഡിസ്‌പ്ലേ എന്നിവയിലായിരുന്നു ഉപയോക്താക്കൾ ശ്രദ്ധ കേന്ദ്രീകരിച്ചിരുന്നതെങ്കിൽ, ഇപ്പോൾ 89 ശതമാനം ആളുകളും ഫോൺ വാങ്ങുമ്പോൾ എഐ ഫീച്ചറുകൾ പരിഗണിക്കുന്നുണ്ട്. ജെൻ-ഇസഡ് (Gen-Z) ഉൾപ്പെടെയുള്ള ഉപയോക്താക്കൾ ഫോണിന്റെ സാങ്കേതിക സവിശേഷതകളേക്കാൾ എഐ അധിഷ്ഠിത പ്രവർത്തനങ്ങൾക്കാണ് പ്രാധാന്യം നൽകുന്നത്.

വിപണിയിലെ പ്രമുഖ മൊബൈൽ കമ്പനികൾ അവരുടേതായ എഐ മോഡലുകൾ ഉപഭോക്താക്കൾക്കായി വാഗ്ദാനം ചെയ്യുന്നുണ്ട്. സാംസങ്ങിന്റെ ഗാലക്സി എഐ, മോട്ടറോളയുടെ മോട്ടോ എഐ എന്നിവയ്ക്ക് പുറമെ വിവോ, ഷവോമി തുടങ്ങിയ കമ്പനികളും സ്വന്തം എഐ മോഡലുകൾ അവതരിപ്പിച്ചിട്ടുണ്ട്. സാംസങ് അവരുടെ ഫോണുകളിൽ ഗൂഗിൾ ജെമിനിയുടെ നിരവധി സവിശേഷതകൾ ഒപ്റ്റിമൈസ് ചെയ്ത് ഉൾപ്പെടുത്തിയിട്ടുണ്ട്. കൂടാതെ, മുമ്പ് ഉയർന്ന വിലയുള്ള പ്രീമിയം ഫോണുകളിൽ മാത്രം കണ്ടിരുന്ന ഇത്തരം സവിശേഷതകൾ 15,000 മുതൽ 20,000 രൂപ വരെ വിലയുള്ള വിഭാഗത്തിലേക്കും ഇപ്പോൾ ലഭ്യമായി തുടങ്ങിയിട്ടുണ്ട്.

ഉപയോക്താക്കളുടെ ദൈനംദിന ജോലികൾ ലളിതമാക്കാൻ എഐ വലിയ പങ്കുവഹിക്കുന്നുണ്ട്. സെർച്ച് എഞ്ചിനുകൾ മുതൽ വോയ്‌സ് അസിസ്റ്റന്റുകൾ വരെയുള്ള സേവനങ്ങൾ എഐ ഉപയോഗിച്ച് മെച്ചപ്പെടുത്തിയിട്ടുണ്ട്. കൂടാതെ ഉപഭോക്തൃ ശീലങ്ങളിലുണ്ടായ മറ്റൊരു പ്രധാന മാറ്റം റിപ്പോർട്ട് എടുത്തുകാണിക്കുന്നു. റിപ്പോർട്ട് പ്രകാരം, 33 ശതമാനം ആളുകളും എളുപ്പത്തിലുള്ള ഇൻസ്റ്റാൾമെന്റ് (ഇഎംഐ) ഓപ്ഷൻ സ്വീകരിച്ചാണ് പ്രീമിയം ഹാൻഡ്‌സെറ്റുകൾ സ്വന്തമാക്കുന്നത്.

Not a camera, not a battery! The secret that shocked smartphone enthusiasts is out

📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla