ഒട്ടാവ : Tax inspection, coastal security, park maintenance, parliamentary Student പദ്ധതികൾ തുടങ്ങി വിവിധ മേഖലകളിലെ ഒഴിവുകളിലേക്ക് ഫെഡറൽ സർക്കാർ അപേക്ഷ ക്ഷണിച്ചു. രാജ്യത്തെ തൊഴിലവസരങ്ങൾ വർധിപ്പിക്കുന്നതിന്റെ ഭാഗമായി ഈ ഓഗസ്റ്റിലാണ് വിവിധ വകുപ്പുകളിലേക്ക് പുതിയ റിക്രൂട്ട്മെന്റ് നടപടികൾ ആരംഭിച്ചിരിക്കുന്നത്. നിലവിലുള്ള ഒഴിവുകളിൽ ഭൂരിഭാഗവും കനേഡിയൻ പൗരന്മാർക്കും പെർമനന്റ് റെസിഡന്റുകൾക്കുമാണ് മുൻഗണന നൽകുന്നത്. ചില തസ്തികകളിലേക്ക് വർക്ക് പെർമിറ്റ് ഉള്ളവർക്കും അപേക്ഷിക്കാം.
വ്യത്യസ്ത വേതന നിരക്കുകളിലും യോഗ്യതകളിലുമാണ് നിയമനങ്ങൾ നടക്കുന്നത്. പാർക്സ് കാനഡയിലെ മെയ്ന്റനൻസ് വർക്കർ തസ്തികയിൽ മണിക്കൂറിന് 29 കനേഡിയൻ ഡോളർ നിരക്കിലാണ് വേതനം. അറ്റ്ലാന്റിക് മേഖലയിലെ കാനഡ റെവന്യൂ ഏജൻസിയിലെ സീനിയർ ടാക്സ് ഓഡിറ്റർ തസ്തികയ്ക്ക് പ്രതിവർഷം 1,22,817 ഡോളർ വരെ വേതനം ലഭിക്കും. ആർമി വെറ്ററൻമാർക്ക് ഫെഡറൽ നിയമന നയപ്രകാരം ആദ്യ മുൻഗണന ഉണ്ടാകുന്നതാണ്.
തീരദേശ സുരക്ഷാ തസ്തികകൾക്കും പാർക്സ് കാനഡ തസ്തികകൾക്കും അപേക്ഷിക്കാനുള്ള അവസാന തീയതി 2026 ഓഗസ്റ്റ് 31 ആണ്. അതേസമയം കറക്ഷണൽ ഓഫീസ്, ടാക്സ് ഓഫിസുകൾ എന്നിവിടങ്ങളിലെ ഒഴിവുകളിലേക്ക് ഒക്ടോബർ, ഡിസംബർ മാസങ്ങൾ വരെ അപേക്ഷിക്കാം. ഉദ്യോഗാർത്ഥികൾക്ക് ഔദ്യോഗിക ‘ജിസി ജോബ്സ്’ (GC Jobs) പോർട്ടൽ വഴിയും കാനഡ റെവന്യൂ ഏജൻസിയുടെ ഔദ്യോഗിക വെബ്സൈറ്റ് വഴിയും ഓൺലൈനായി അപേക്ഷ സമർപ്പിക്കാം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Are you working in Canada? New vacancies in the federal government; applications have opened.
