ഒട്ടാവ: കാനഡയിൽ 2026-ഓടെ ചില പ്രവിശ്യകളിൽ വേതനം കൂടും. സമീപ വർഷങ്ങളെ അപേക്ഷിച്ച് പണപ്പെരുപ്പത്തിന്റെ തീവ്രത കുറഞ്ഞിട്ടുണ്ടെങ്കിലും, ഭവനം, പലചരക്ക്, യൂട്ടിലിറ്റികൾ, ഗതാഗതം എന്നിവയിലെ വർധിച്ച ജീവിതച്ചെലവ് ഇപ്പോഴും നിലനിൽക്കുന്ന സാഹചര്യത്തിലാണിത് കുറഞ്ഞ വേതനത്തിൽ വർദ്ധനവ് വരുത്താൻ പ്രവിശ്യകൾ തയ്യാറെടുക്കുന്നത്. കൺസ്യൂമർ പ്രൈസ് ഇൻഡക്സ് (CPI) അടിസ്ഥാനമാക്കിയുള്ള ഫോർമുലകൾ ഉപയോഗിച്ചാണ് സർക്കാരുകൾ വാർഷിക വേതനം ക്രമീകരിക്കുന്നത്.
ഈ മാറ്റങ്ങൾ 2026-ന്റെ ആദ്യ പാദത്തിലോ അതിനുശേഷമോ പ്രാബല്യത്തിൽ വരും. രാജ്യത്തുടനീളം ബാങ്കിംഗ്, പോസ്റ്റൽ സർവീസുകൾ, ടെലികമ്മ്യൂണിക്കേഷൻസ് തുടങ്ങിയ ഫെഡറൽ റെഗുലേറ്റഡ് സ്വകാര്യ മേഖലകളിൽ ജോലി ചെയ്യുന്നവർക്കുള്ള കുറഞ്ഞ വേതനം 2026 ഏപ്രിൽ 1 മുതൽ വർദ്ധിക്കും. നിലവിലെ മണിക്കൂറിന് $17.75 എന്നതിൽ നിന്ന്, 2% CPI സൂചികയെ അടിസ്ഥാനമാക്കി അടുത്ത വർദ്ധനവ് ഏകദേശം $18.10 ആയിരിക്കും. നിയമപരമായ അംഗീകാരമില്ലാതെ തന്നെ ഇത് ഓട്ടോമാറ്റിക്കായി പ്രാബല്യത്തിൽ വരും.
ന്യൂഫൗണ്ട്ലാൻഡ് ആൻഡ് ലാബ്രഡോർ, ന്യൂ ബ്രൺസ്വിക്ക്, പ്രിൻസ് എഡ്വേർഡ് ഐലൻഡ് (PEI), നോവ സ്കോഷ്യ, യൂക്കോൺ എന്നീ അഞ്ച് പ്രദേശങ്ങളിൽ 2026 ഏപ്രിൽ 1-ഓടെ പുതിയ വേതനം നിലവിൽ വരും. PEI-യിൽ അടുത്ത വർദ്ധനവ് $17.00 ആയിരിക്കും. യൂക്കോൺ ടെറിട്ടറിയിൽ വൈറ്റ്ഹോഴ്സ് CPI അനുസരിച്ച് നിരക്ക് ഏകദേശം $18.37 ആയി ഉയരും. നോവ സ്കോഷ്യ രണ്ട് ഘട്ടങ്ങളായാണ് വർദ്ധനവ് നടപ്പിലാക്കുക. 2026 ഏപ്രിൽ 1 മുതൽ $16.75, ഒക്ടോബർ 1 മുതൽ $17.00 എന്നിങ്ങനെ. ഇവിടെ CPI-ക്ക് പുറമെ അധികമായി 1% കൂടി ചേർക്കാറുണ്ട്. ന്യൂഫൗണ്ട്ലാൻഡ് ആൻഡ് ലാബ്രഡോർ ഏകദേശം $16.32 ഉം ന്യൂ ബ്രൺസ്വിക്ക് ഏകദേശം $15.30 ഉം വർദ്ധനവ് പ്രതീക്ഷിക്കുന്നു. ഒന്റാറിയോ മറ്റ് പ്രവിശ്യകളെ അപേക്ഷിച്ച് വ്യത്യസ്തമായ സമയക്രമമാണ് പിന്തുടരുന്നത്. ഇവിടെ വേതനം $17.60-ൽ നിന്ന് $18-നടുത്ത് എത്തും. പ്രഖ്യാപനം ഏപ്രിൽ 1-ന് മുൻപുണ്ടാകും, എന്നാൽ വർദ്ധനവ് പ്രാബല്യത്തിൽ വരുന്നത് 2026 ഒക്ടോബർ 1 മുതൽ മാത്രമായിരിക്കും.
മിക്ക പ്രവിശ്യകളും CPI സൂചികയെ ആശ്രയിക്കുന്നതിനാൽ, 2025-ലെ പണപ്പെരുപ്പം പ്രതീക്ഷിച്ചതിലും ഉയർന്നാൽ ഈ കുറഞ്ഞ വേതന നിരക്കുകളിലും മാറ്റം വരാൻ സാധ്യതയുണ്ട്. കാനഡയിലെ തൊഴിൽ ശക്തിയുടെയും സമ്പദ്വ്യവസ്ഥയുടെയും കാര്യത്തിൽ ഈ വേതന ക്രമീകരണങ്ങൾ നിർണായക പങ്ക് വഹിക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
New Minimum Wage In Canada and 5 Provinces Coming In 2026
