മലയാള സിനിമയിലെ മെഗാ സ്റ്റാർ മമ്മൂട്ടി തന്റെ പുതിയ ചിത്രമായ “കളങ്കാവൽ” വഴി ഒരിക്കൽ കൂടി പ്രേക്ഷകരെ ഞെട്ടിക്കാൻ ഒരുങ്ങുകയാണ്. ജിതിൻ കെ ജോസ് സംവിധാനം ചെയ്യുന്ന ഈ ചിത്രത്തിൽ മമ്മൂട്ടി നെഗറ്റീവ് വേഷത്തിലാണ് പ്രത്യക്ഷപ്പെടുന്നത് എന്ന് നേരത്തെ തന്നെ വാർത്തകൾ പ്രചരിച്ചിരുന്നു. ഇപ്പോൾ പുറത്തുവരുന്ന വിവരങ്ങൾ അനുസരിച്ച്, ഈ ചിത്രം ജൂൺ ആദ്യവാരം പ്രദർശനത്തിനെത്തുമെന്നാണ് സൂചന. ഔദ്യോഗിക പ്രഖ്യാപനം അണിയറ പ്രവർത്തകരിൽ നിന്ന് ഇതുവരെ ഉണ്ടായിട്ടില്ല.
ചിത്രത്തിന്റെ കഥ നിരവധി യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ടതാണെന്ന് സംവിധായകൻ ജിതിൻ കെ ജോസ് നേരത്തെ വെളിപ്പെടുത്തിയിരുന്നു. എന്നാൽ ഒന്നിലധികം സംഭവങ്ങളിൽ നിന്ന് പ്രചോദനം ഉൾക്കൊണ്ടിട്ടുണ്ടെങ്കിലും ചിത്രം തീർത്തും ഫിക്ഷനൽ സ്വഭാവത്തിലാണ് അവതരിപ്പിക്കുന്നതെന്നും അദ്ദേഹം വ്യക്തമാക്കിയിട്ടുണ്ട്. ചിത്രത്തിന്റെ ആദ്യ പോസ്റ്ററുകൾക്ക് പ്രേക്ഷകരിൽ നിന്ന് മികച്ച സ്വീകാര്യത ലഭിച്ചിരുന്നു. അത് ചിത്രത്തിന്റെ വിജയസാധ്യത വർദ്ധിപ്പിക്കുന്നു.
“കളങ്കാവൽ” മമ്മൂട്ടിയുടെ മാത്രമല്ല നടൻ വിനായകന്റെയും വ്യത്യസ്തമായ കഥാപാത്രത്തെ പ്രേക്ഷകർക്ക് കാണാൻ കഴിയും. വിനായകന്റെ കഥാപാത്രവും അദ്ദേഹം മുമ്പ് അവതരിപ്പിച്ചിട്ടില്ലാത്ത തരത്തിലുള്ളതാണ് എന്നാണ് സംവിധായകൻ ജിതിൻ കെ ജോസ് അഭിപ്രായപ്പെട്ടത്. ചിത്രത്തിലേക്ക് വിനായകനെ നിർദേശിച്ചത് മമ്മൂട്ടി തന്നെയായിരുന്നു എന്നത് ശ്രദ്ധേയമാണ്. മമ്മൂട്ടി കമ്പനിയുടെ ഏഴാമത്തെ നിർമാണമാണ് “കളങ്കാവൽ”. കുറുപ്പ്, ഓശാന എന്നീ ചിത്രങ്ങളുടെ തിരക്കഥാകൃത്തായ ജിതിൻ കെ ജോസ് ആണ് ഈ ചിത്രവും സംവിധാനം ചെയ്യുന്നത്. മുജീബ് മജീദ് സംഗീത സംവിധാനവും ഫൈസൽ അലി ഛായാഗ്രഹണവും നിർവഹിക്കുന്നു. ചിത്രത്തിന്റെ പ്രധാന ലൊക്കേഷൻ നാഗർകോവിലായിരുന്നു.
