കൊച്ചി: പ്രേക്ഷകരെ ഒരുപോലെ ചിരിപ്പിക്കാനും പേടിപ്പിക്കാനും ഒരുങ്ങുന്ന പുതിയ ചിത്രം ‘മഹാരാജ ഹോസ്റ്റൽ’ നാളെ (ജൂലൈ 24) തിയേറ്ററുകളിലെത്തുന്നു. ചാരുചിത്ര പ്രൊഡക്ഷൻസ്, മധുമിത പ്രൊഡക്ഷൻസ്, മൺസൂൺ ടെയിൽസ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. റിലീസിന് മുന്നോടിയായി പുറത്തുവന്ന പാട്ടുകൾക്കും ടീസറിനും വലിയ പിന്തുണയാണ് സോഷ്യൽ മീഡിയയിൽ ലഭിച്ചത്.
എഞ്ചിനീയറിംഗ് വിദ്യാർത്ഥികളായ ഒരു കൂട്ടം സുഹൃത്തുക്കൾ നഗരത്തിലെ ഒരു ഹോസ്റ്റലിൽ താമസിക്കാൻ എത്തുന്നതും, അവിടെ അവർ നേരിടുന്ന അപ്രതീക്ഷിത സംഭവങ്ങളുമാണ് സിനിമയുടെ കഥ. ചാരു വാക്കൻ എഴുതി സംവിധാനം ചെയ്യുന്ന ചിത്രത്തിൽ അഖിൽ എൻ.ആർ.ഡി, അഖിൽ ഷാ, ശരത്ത്, സന്ദീപ്, ചിത്ര നായർ, സജിൻ ചെറുകയിൽ, ആൻ മരിയ എന്നിവരാണ് പ്രധാന വേഷങ്ങളിൽ അഭിനയിക്കുന്നത്.
കരുമുരു രഘുരാമു, ചാർവാക ബ്രഹ്മണപ്പള്ളി, രമ്യ വെമൂലപടി, രാഹുൽ മൊപിദേവി, സായ് പ്രകാശ് ഭുവനഗിരി എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. അഷ്കർ ക്യാമറയും അശ്വിൻ റാം സംഗീതവുമാണ് കൈകാര്യം ചെയ്തിരിക്കുന്നത്. ഇൻ ഗോസ്റ്റ് ഹൗസ് ഇൻ, അടി കപ്യാരേ കൂട്ടമണി, രോമാഞ്ചം, പ്രകമ്പനം, ഹലോ മമ്മി തുടങ്ങിയ സിനിമകളുടെ അതേ ശൈലിയിലുള്ള ഈ ചിത്രം നാളെ മുതൽ തിയേറ്ററുകളിൽ കാണാം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
'Maharaja Hostel' aims to make the audience laugh and feel scared; the film hits theatres tomorrow.
