ഓട്ടവ: വാഹനാപകടത്തെ തുടർന്നുണ്ടായ ഗുരുതരമായ ആരോഗ്യപ്രശ്നങ്ങളെ തുടർന്ന് കനേഡിയൻ ലിബറൽ പാർട്ടി എം.പി ഷാൻ ചെൻ രാജിക്കൊരുങ്ങുന്നു. 2015 മുതൽ ടൊറന്റോയിലെ ‘സ്കാർബറോ നോർത്ത്’ മണ്ഡലത്തെ പ്രതിനിധീകരിക്കുന്ന വ്യക്തിയാണ് ഇദ്ദേഹം. ഓഗസ്റ്റ് 15-ഓടെ പാർലമെന്റ് അംഗത്വം പൂർണ്ണമായും ഒഴിയുമെന്ന് അദ്ദേഹം വ്യക്തമാക്കി.
കഴിഞ്ഞ വർഷം അവസാനത്തോടെ ഒട്ടാവയിലേക്ക് യാത്ര ചെയ്യുന്നതിനിടയിലാണ് ഷാൻ ചെൻ സഞ്ചരിച്ചിരുന്ന വാഹനം അപകടത്തിൽപ്പെട്ടത്. അപകടത്തെത്തുടർന്നുണ്ടായ ആരോഗ്യപ്രശ്നങ്ങൾ കാരണം എം.പി എന്ന നിലയിൽ പാർലമെന്റിലേക്ക് പതിവായി യാത്ര ചെയ്യാൻ സാധിക്കാത്ത സാഹചര്യത്തിലാണ് രാജിയെന്ന് അദ്ദേഹം എക്സിലൂടെ (X) പങ്കുവെച്ച പ്രസ്താവനയിൽ വ്യക്തമാക്കി. ഷാൻ ചെന്നിന്റെ സേവനങ്ങൾക്ക് നന്ദി അറിയിച്ച പ്രധാനമന്ത്രി മാർക്ക് കാർണി, അദ്ദേഹത്തിന് വേഗത്തിൽ സുഖം പ്രാപിക്കട്ടെ എന്ന് ആശംസിച്ചു.
നിരവധി ജനപ്രതിനിധികൾ അടുത്തിടെ സ്ഥാനം ഒഴിഞ്ഞതിനെ തുടർന്ന് കാനഡയിൽ ഉപതിരഞ്ഞെടുപ്പുകൾ പ്രഖ്യാപിച്ചിരിക്കുന്ന സാഹചര്യത്തിലാണ് പുതിയ രാജി. ഈ മാസം അവസാനം മൂന്ന് മണ്ഡലങ്ങളിൽ ഉപതിരഞ്ഞെടുപ്പ് നടക്കാനിരിക്കെ, സ്കാർബറോ നോർത്തിലും ഉടൻ ഉപതിരഞ്ഞെടുപ്പ് തീയതി പ്രഖ്യാപിച്ചേക്കും. 172 സീറ്റുകളോടെ ലിബറൽ പാർട്ടി നിലവിൽ രാജ്യത്ത് കേവലഭൂരിപക്ഷം നിലനിർത്തുന്നുണ്ട്. സെപ്റ്റംബർ 21-നാണ് കനേഡിയൻ പാർലമെന്റിന്റെ അടുത്ത സമ്മേളനം ആരംഭിക്കുന്നത്.
Weakened by a car accident and facing travel difficulties, Liberal Party MP Shan Chen announces resignation.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
