കൊച്ചി: നടൻ ഷിയാസ് കരീമുമായി ബന്ധപ്പെട്ടുണ്ടായ ബീഫ് വിവാദത്തിൽ വിശദീകരണവുമായി ബിഗ് ബോസ് താരം അനുമോൾ. ഷിയാസ് തന്നെ ബീഫ് കഴിക്കാൻ നിർബന്ധിച്ചിട്ടില്ലെന്നും സുഹൃത്തുക്കൾക്കിടയിലെ തമാശ മാത്രമായിരുന്നു അതെന്നും അനുമോൾ വ്യക്തമാക്കി. ഓൺലൈൻ മാധ്യമങ്ങളോട് സംസാരിക്കവെയാണ് താരം നിലപാട് വ്യക്തമാക്കിയത്.
താൻ ബീഫ് കഴിക്കാത്തത് ബി.ജെ.പി ആയതുകൊണ്ടാണോ എന്ന ഷിയാസിന്റെ ചോദ്യം സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിരുന്നു. ഇതിനു പിന്നാലെ ഷിയാസിനെതിരെ രൂക്ഷമായ വിമർശനങ്ങളാണ് ഉയർന്നത്. എന്നാൽ, താൻ ബി.ജെ.പി ആയതുകൊണ്ടല്ല ബീഫ് കഴിക്കാതിരുന്നതെന്നും അന്ന് ഡയറ്റിലായിരുന്നതിനാലാണ് മാംസാഹാരം ഒഴിവാക്കിയതെന്നും താരം പറഞ്ഞു. ഷിയാസിനെതിരെയുള്ള ആരോപണങ്ങൾ അടിസ്ഥാനരഹിതമാണെന്നും അവർ കൂട്ടിച്ചേർത്തു.
തന്റെ വീട്ടിൽ എല്ലാത്തരം ഭക്ഷണങ്ങളും പാകം ചെയ്യാറുണ്ടെന്നും മാംസാഹാരം കഴിക്കുന്ന വ്യക്തിയാണ് താനെന്നും അനുമോൾ പറഞ്ഞു. ഷിയാസുമായി ഒൻപത് വർഷത്തെ ആത്മബന്ധമുണ്ടെന്നും ഇത്തരം വിമർശനങ്ങൾ അദ്ദേഹത്തെ ബാധിക്കില്ലെന്നും താരം പ്രതികരിച്ചു. വിവാദങ്ങൾ കാര്യമാക്കാതെ ഷിയാസ് മുന്നോട്ട് പോകുമെന്നും അനുമോൾ തന്റെ സംസാരത്തിൽ വ്യക്തമാക്കി.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
'Is it because you are BJP that you don't eat beef?' Anumol responds to criticism leveled against Shias Karim
