ഓട്ടവ: കാനഡയിലെ ജീവിതം മുൻപത്തെപ്പോലെയല്ലെന്നും ദൈനംദിന ജീവിതം വലിയ സാമ്പത്തിക പ്രതിസന്ധിയിലൂടെയാണ് കടന്നുപോകുന്നതെന്നും വെളിപ്പെടുത്തി ഒരു ഇന്ത്യൻ യുവാവ് രംഗത്തെത്തി. കാനഡയിൽ പത്ത് വർഷത്തോളമായി താമസിക്കുന്ന അമർ നാഥ് പുരി എന്ന വ്യക്തിയാണ് താൻ അനുഭവിച്ചറിഞ്ഞ മാറ്റങ്ങളെക്കുറിച്ച് ഇൻസ്റ്റാഗ്രാമിൽ വീഡിയോ പങ്കുവെച്ചത്. താൻ ആദ്യമായി എത്തിയ കാലത്തെ കാനഡയല്ല ഇന്നെന്ന് അദ്ദേഹം ഓർമ്മിപ്പിക്കുന്നു.
ഉയർന്ന ജീവിതച്ചെലവ്, വർദ്ധിച്ചുവരുന്ന വാടക, ബില്ലുകൾ, കുടുംബ ഉത്തരവാദിത്തങ്ങൾ എന്നിവ കാരണം ജീവിതം വെറും യാന്ത്രികമായി മാറിയെന്നും സാമ്പത്തിക സമ്മർദ്ദം കാരണം ആളുകൾ ജീവിതം ആസ്വദിക്കാൻ മറന്നുപോവുകയാണെന്നും പുരി പറയുന്നു.
Also Read : അമേരിക്കയെ പൂട്ടാൻ കാനഡ: വെല്ലാൻഡ് കനാൽ അടയ്ക്കാനും ഊർജ നികുതി കൂട്ടാനും ആവശ്യം
സോഷ്യൽ മീഡിയയിൽ വലിയ ചർച്ചകൾക്കാണ് ഈ പോസ്റ്റ് വഴിവെച്ചിരിക്കുന്നത്. 21 വർഷമായി കാനഡയിലുള്ള ഒരാൾ താൻ ഇപ്പോൾ അത്യാവശ്യ കാര്യങ്ങൾക്കല്ലാതെ പുറത്തിറങ്ങാറില്ലെന്ന് കമന്റ് ചെയ്തപ്പോൾ, 15 വർഷമായി അവിടെയുള്ള മറ്റൊരാൾ രാജ്യത്തെ ജീവിതനിലവാരം തകർന്നതായി അഭിപ്രായപ്പെട്ടു. എന്നാൽ ഇത് കാനഡയുടെ മാത്രം പ്രശ്നമല്ലെന്നും ലോകമെമ്പാടും സമാനമായ അവസ്ഥയാണെന്നുമാണ് ചിലരുടെ നിലപാട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
