ഒട്ടാവ : കാനഡയിൽ നികുതി റിട്ടേൺ സമർപ്പിക്കുന്നതിനുള്ള സമയപരിധി ഈ വെള്ളിയാഴ്ച അവസാനിക്കാനിരിക്കെ, നികുതി റീഫണ്ട് തുക എങ്ങനെ ഫലപ്രദമായി ഉപയോഗിക്കാമെന്നതിൽ വിദഗ്ധർ നിർദ്ദേശങ്ങൾ നൽകി. കാനഡ റവന്യൂ ഏജൻസിയുടെ കണക്കുകൾ പ്രകാരം 2025-ൽ ഏകദേശം 19 മില്യൺ കനേഡിയൻകാർക്ക് നികുതി റീഫണ്ട് ലഭിച്ചിട്ടുണ്ട്. ഇതിന്റെ ശരാശരി തുക 2,000 ഡോളറാണെന്ന് അധികൃതർ വ്യക്തമാക്കി.
റീഫണ്ട് തുക ലഭിക്കുന്നവർ ആദ്യം അത്യാവശ്യ ഘട്ടങ്ങൾക്കായി കരുതൽ ധനമായി മാറ്റിവെക്കണമെന്ന് സാമ്പത്തിക വിദഗ്ധയായ ജെസീക്ക മൂർഹൗസ് വ്യക്തമാക്കി. മൂന്ന് മുതൽ ആറ് മാസം വരെയുള്ള ചെലവുകൾക്കായി തുക കരുതുന്നത് സാമ്പത്തിക സുരക്ഷിതത്വം നൽകുമെന്നാണ് ഇവരുടെ വിലയിരുത്തൽ. കൂടാതെ, ഉയർന്ന പലിശയുള്ള ക്രെഡിറ്റ് കാർഡ് കടങ്ങൾ വീട്ടാൻ ഈ തുക ഉപയോഗിക്കുന്നതും ഗുണം ചെയ്യുമെന്ന് അവർ അറിയിച്ചു.
കടങ്ങൾ വീട്ടിയതിന് ശേഷമുള്ള തുക ഫസ്റ്റ് ഹോം സേവിംഗ്സ് അക്കൗണ്ട് (FHSA), റജിസ്റ്റേർഡ് റിട്ടയർമെന്റ് സേവിംഗ്സ് പ്ലാൻ (RRSP), ടാക്സ്-ഫ്രീ സേവിംഗ്സ് അക്കൗണ്ട് (TFSA) എന്നിവയിൽ നിക്ഷേപിക്കാമെന്നും മൂർഹൗസ് നിർദ്ദേശിച്ചു. ദീർഘകാല സമ്പാദ്യത്തിന് ടാക്സ്-ഫ്രീ സേവിംഗ്സ് അക്കൗണ്ടുകൾ മികച്ചതാണെന്നും അവർ വ്യക്തമാക്കി. എന്നാൽ, റീഫണ്ട് തുക മുഴുവൻ നിക്ഷേപത്തിനായി മാത്രം ഉപയോഗിക്കാതെ, ചെറിയൊരു ഭാഗം മറ്റ് ആവശ്യങ്ങൾക്കായി മാറ്റിവെക്കുന്നതിലും തെറ്റില്ലെന്നാണ് വിദഗ്ധരുടെ വിലയിരുത്തൽ.
ഇക്യു ബാങ്ക് നടത്തിയ സർവേയിൽ 9 ശതമാനം ആളുകൾ മാത്രമാണ് റീഫണ്ട് തുക യാത്രകളോ പുറത്തുനിന്നുള്ള ഭക്ഷണത്തിനോ ചെലവഴിക്കാൻ ഉദ്ദേശിക്കുന്നതെന്ന് കണ്ടെത്തി. വലിയ തുക സ്ഥിരമായി റീഫണ്ടായി ലഭിക്കുകയാണെങ്കിൽ, അത് അമിതമായി നികുതി അടയ്ക്കുന്നതുകൊണ്ടാകാമെന്ന് മൂർഹൗസ് വ്യക്തമാക്കി. ഇതിനായി ശമ്പള വിഭാഗവുമായി ബന്ധപ്പെട്ട് നികുതി കുറയ്ക്കാൻ നടപടി സ്വീകരിക്കാമെന്നും അവർ അറിയിച്ചു.
How to use tax refund money? Here are the experts’ suggestions!
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
