എഡ്മന്റൺ : എഡ്മന്റണിൽ നടന്ന പ്രൊഫഷണൽ ഫുട്ബോൾ മത്സരത്തിനിടെ ശക്തമായ ഇടിമിന്നലും മഴയും വില്ലനായതോടെ കാണികളെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചു. ഓഗസ്റ്റ് 1 ശനിയാഴ്ച കോമൺവെൽത്ത് സ്റ്റേഡിയത്തിൽ എഡ്മന്റൺ എൽക്സും സസ്കാച്ചെവൻ റഫ്റൈഡേഴ്സും തമ്മിലുള്ള മത്സരത്തിന്റെ ഹാൽഫ് ടൈമിലാണ് അധികൃതർ ജാഗ്രതാ നിർദേശം നൽകിയത്.
ഗാലറിയിലുണ്ടായിരുന്ന കാണികളോട് ഉടനടി സീറ്റുകൾ ഒഴിഞ്ഞ് സ്റ്റേഡിയത്തിന്റെ ഉൾവശത്തുള്ള കോൺകോഴ്സ് മേഖലയിലേക്ക് മാറാൻ നിർദേശിക്കുകയായിരുന്നു.
ശക്തമായ മഴയ്ക്കും ഇടിമിന്നലിനും സാധ്യതയുള്ളതിനാൽ ശനിയാഴ്ച രാത്രി എഡ്മണ്ടൺ നഗരത്തിൽ യെല്ലോ അലർട്ട് നിലവിലുണ്ടായിരുന്നു. ഏഴു മണിയോടെ സ്റ്റേഡിയവും പരിസരവും ഉൾപ്പെടുന്ന മക്കാലി മേഖലയിൽ ഇടിമിന്നലും കനത്ത മഴയും ആരംഭിച്ചതോടെയാണ് മുൻകരുതൽ നടപടികൾ സ്വീകരിച്ചത്. സുരക്ഷാ മുൻകരുതലിന്റെ ഭാഗമായി നിർത്തിവെച്ച മത്സരം, അന്തരീക്ഷം ശാന്തമായതിനെ തുടർന്ന് രാത്രി 7:40-ഓടെയാണ് പുനരാരംഭിച്ചത്.
കഴിഞ്ഞ ശനിയാഴ്ചയും സമാനമായ രീതിയിൽ കോമൺവെൽത്ത് സ്റ്റേഡിയത്തിൽ സുരക്ഷാ മുന്നറിയിപ്പ് നൽകേണ്ടി വന്നിരുന്നു. പ്രശസ്ത സംഗീതജ്ഞൻ പോസ്റ്റ് മലോണിന്റെ സംഗീത പരിപാടിക്കിടെ കനത്ത മഴയും ശക്തമായ കാറ്റും വീശിയടിച്ചതിനെ തുടർന്ന് 30,000-ത്തോളം കാണികളെയാണ് അന്ന് കോൺകോഴ്സിലേക്ക് മാറ്റിയത്. തുടർച്ചയായി പ്രതികൂല കാലാവസ്ഥയുണ്ടായെങ്കിലും സ്റ്റേഡിയത്തിന്റെ പ്രവർത്തനം വേഗത്തിൽ സാധാരണ നിലയിലാക്കാൻ കഴിഞ്ഞതായി നഗരസഭാ അധികൃതർ അറിയിച്ചു.
Heavy lightning and rain: Spectators evacuated from stadium in Edmonton
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Tags: Heavy rain
