ന്യൂഫൗണ്ട്ലാൻഡ്: ന്യൂഫൗണ്ട്ലാൻഡ് ആൻഡ് ലാബ്രഡോർ പ്രവിശ്യയിലുണ്ടായ ബോട്ട് അപകടത്തിൽ രണ്ട് മത്സ്യത്തൊഴിലാളികൾക്ക് ദാരുണാന്ത്യം. പ്രവിശ്യയുടെ വടക്കൻ തീരത്തുള്ള ബ്രെന്റ്സ് കോവ് കടലിൽ ചൊവ്വാഴ്ച വൈകിട്ടോടെയാണ് ഈ അപകടമുണ്ടായത്. സാധാരണ പോലെ മീൻപിടിക്കാൻ പോയ ഇവർ കടലിൽ അപകടത്തിൽപ്പെടുകയും പിന്നീട് മരിച്ച നിലയിൽ കണ്ടെത്തുകയും ആയിരുന്നു.
ബ്രെന്റ്സ് കോവിന് സമീപമുള്ള ബെയ് വെർട്ട് പെനിൻസുലയിലുള്ള കടലിലാണ് ബോട്ട് തകർന്നു വീണത്. കനേഡിയൻ കോസ്റ്റ് ഗാർഡും കോർമറന്റ് ഹെലികോപ്റ്ററും നടത്തിയ സജീവമായ തിരച്ചിലിലാണ് മൃതദേഹങ്ങൾ കണ്ടെടുത്തത്. അപകടത്തിൽപ്പെട്ട മറ്റൊരാളെയും കാണാതായിട്ടുണ്ടെന്നും തിരച്ചിൽ തുടരുകയാണെന്നും അധികൃതർ അറിയിച്ചു.
കടലിനെ മാത്രം ആശ്രയിച്ചു ജീവിക്കുന്ന ഇത്തരം ചെറിയ കമ്മ്യൂണിറ്റികൾക്ക് ഈ വേർപാട് വലിയൊരു ആഘാതമാണെന്ന് പ്രവിശ്യാ പ്രീമിയർ ടോണി വെയ്ക്കെം വ്യക്തമാക്കി. മത്സ്യബന്ധന മേഖല എത്രത്തോളം അപകടം നിറഞ്ഞതാണെന്നതിന്റെ കടുത്ത ഓർമ്മപ്പെടുത്തലാണ് ഈ ദുരന്തമെന്ന് പ്രാദേശിക എം.എൽ.എ ലിൻ പാഡോക്ക് അനുശോചന സന്ദേശത്തിൽ സൂചിപ്പിച്ചു.
Grief in Newfoundland and Labrador for two fishermen found dead after boat sinking
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
