സൗദി: സൗദി അറേബ്യയിലെ പ്രമുഖ എണ്ണ ശുദ്ധീകരണ ശാലകൾ സ്ഥിതിചെയ്യുന്ന യാൻബു മേഖലയ്ക്ക് നേരെ നടന്ന ഡ്രോൺ ആക്രമണം ഗ്രീക്ക് സൈന്യം വിജയകരമായി ചെറുത്തു തോൽപ്പിച്ചു. വ്യാഴാഴ്ച മേഖലയെ ലക്ഷ്യമാക്കി എത്തിയ ഡ്രോണുകളുടെ കൂട്ടത്തെ ഗ്രീക്ക് സൈനികർ നിയന്ത്രിക്കുന്ന വ്യോമരോധ സംവിധാനം ഉപയോഗിച്ചാണ് തകർത്തത്. റോയിട്ടേഴ്സിനോട് ഗ്രീക്ക് സുരക്ഷാ വൃത്തങ്ങളാണ് ഇക്കാര്യം സ്ഥിരീകരിച്ചത്. സൗദി വ്യോമസേനയുമായി സഹകരിച്ച് പ്രവർത്തിച്ച ഗ്രീക്ക് പേട്രിയറ്റ് സംവിധാനം ആക്രമണം തടയാൻ മൂന്ന് മിസൈലുകൾ തൊടുത്തുവിട്ടു.
യുഎസ്-ഇസ്രായേൽ ഇറാൻ യുദ്ധം ആരംഭിച്ചതിനുശേഷം ഇതാദ്യമായല്ല ഗ്രീക്ക് നിയന്ത്രണത്തിലുള്ള പ്രതിരോധ സംവിധാനം സജീവ പോരാട്ടത്തിൽ പങ്കാളിയാകുന്നത്. ഇതിനോടകം മൂന്നാം തവണയാണ് ഈ പട്രിയറ്റ് സംവിധാനം ഡ്രോൺ ആക്രമണങ്ങളെ പ്രതിരോധിക്കാൻ ഉപയോഗിക്കുന്നത്. ഗൾഫ് മേഖലയിലെ നിർണായകമായ ഊർജ്ജ അടിത്തറകളുടെ സുരക്ഷ ഉറപ്പാക്കുന്നതിൽ യൂറോപ്യൻ രാജ്യങ്ങളുടെ സൈനിക പങ്കാളിത്തം എത്രത്തോളം വർദ്ധിക്കുന്നുവെന്നതിന്റെ തെളിവാണ് ഈ സംഭവം.
എത്ര ഡ്രോണുകൾ തകർത്തു എന്ന കാര്യത്തിലോ ഇവ എവിടെ നിന്നാണ് വിക്ഷേപിച്ചത് എന്നതിലോ സുരക്ഷാ വൃത്തങ്ങൾ കൂടുതൽ വിവരങ്ങൾ പുറത്തുവിട്ടിട്ടില്ല. സൗദിയിലെ പ്രധാന ഊർജ്ജ കേന്ദ്രങ്ങളുടെ സുരക്ഷ ഉറപ്പാക്കുന്നതിനായി 2021-ൽ ഒപ്പുവെച്ച കരാറിന്റെ ഭാഗമായാണ് അമേരിക്കൻ നിർമ്മിത പേട്രിയറ്റ് വ്യോമരോധ പ്രതിരോധ സംവിധാനം ഗ്രീക്ക് സൈനികരുടെ മേൽനോട്ടത്തിൽ സൗദിയിൽ വിന്യസിച്ചത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
