ഫ്രെഡറിക്ടൺ: ന്യൂ ബ്രൺസ്വിക്കിലെ സൺബറി–യോർക്ക് സൗത്ത് മേഖലയിലെ ബീവർ ഡാം പാലം (Beaver Dam Bridge) മാറ്റി പുതിയ പാലം നിർമിക്കാൻ പ്രവിശ്യ സർക്കാർ 40 ലക്ഷം ഡോളർ (4 മില്യൺ) ചെലവിടും. 1937-ൽ നിർമിച്ച ഈ പാലം പഴക്കം കാരണം ഇനി മാറ്റിസ്ഥാപിക്കേണ്ട അവസ്ഥയിലെത്തിയതായി സർക്കാർ അറിയിച്ചു.
2021 മുതൽ പാലത്തിലൂടെയുള്ള ഗതാഗതം സുരക്ഷാ കാരണങ്ങളാൽ ഒരു വരിയിലേക്ക് (സിംഗിൾ ലെയിൻ) പരിമിതപ്പെടുത്തിയിരുന്നു. പുതിയ പാലം നിലവിലെ പാലത്തിന് പകരമായി രണ്ട് വരി ഗതാഗതം പുനഃസ്ഥാപിക്കുമെന്ന് പ്രവിശ്യ പുറത്തിറക്കിയ വാർത്താക്കുറിപ്പിൽ വ്യക്തമാക്കി.
ഫ്രെഡറിക്ടണിലേക്കും സെന്റ് ജോണിലേക്കും യാത്ര ചെയ്യുന്നവർ റൂട്ട് 101 വഴി ബീവർ ഡാം പ്രദേശം വ്യാപകമായി ഉപയോഗിക്കുന്നതിനാൽ പുതിയ പാലം നിർമിക്കുന്നത് പ്രദേശത്തിന്റെ വികസനത്തിനും യാത്രാസൗകര്യത്തിനും നിർണായകമാണെന്ന് ഗതാഗത-അടിസ്ഥാന സൗകര്യ മന്ത്രി Chuck Chiasson പറഞ്ഞു.
ഈ വേനൽക്കാലത്ത് പാലത്തിന് സമീപം വഴിമാറ്റത്തിനുള്ള (ഡിറ്റൂർ) ജോലികൾ ആരംഭിക്കും. സെപ്റ്റംബർ മുതൽ വാഹനഗതാഗതം താൽക്കാലിക പാലത്തിലൂടെ തിരിച്ചുവിടും. നിലവിലെ പാലം ഈ ശരത്കാലത്തിൽ പൊളിച്ചുനീക്കാനാണ് പദ്ധതി. പുതിയ പാലത്തിന്റെ നിർമാണം അടുത്ത വർഷം മെയ് മാസത്തിൽ ആരംഭിച്ച് 2027 ഒക്ടോബറോടെ പൂർത്തിയാക്കുമെന്നാണ് സർക്കാർ അറിയിച്ചിരിക്കുന്നത്.
End of an 89-year history; Beaver Dam Bridge to be demolished.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
