ആർട്ടിഫിഷ്യൽ ഇന്റലിജൻസ് രംഗത്ത് ഒരു പുതിയ കാൽവെപ്പ് കുറിച്ചിരിക്കുകയാണ് ഇലോൺ മസ്ക്കിന്റെ xAI കമ്പനി. അവരുടെ ഗ്രോക്ക് എഐ സിസ്റ്റത്തിന് ചിത്രങ്ങൾ പൂർണമായി എഡിറ്റ് ചെയ്യാനുള്ള കഴിവ് നൽകിക്കൊണ്ട് സാങ്കേതിക വിദ്യയുടെ പുതിയ സാധ്യതകൾ തുറന്നിരിക്കുകയാണ് മാസ്ക്ക്. ഉപയോക്താക്കൾക്ക് ചിത്രങ്ങളിൽ പുതിയ ഫീചേഴ്സ് ചേർക്കാനും, നിലവിലുള്ളവ നീക്കം ചെയ്യാനും ഈ സംവിധാനം ഉപയോഗിക്കാവുന്നതാണ്. മസ്ക് തന്നെ ചില ചിത്രങ്ങൾ എഡിറ്റ് ചെയ്ത് പ്രദർശിപ്പിച്ചതോടെ ആഡോബ് ഫോട്ടോഷോപ്പ് പോലുള്ള പരമ്പരാഗത ചിത്ര എഡിറ്റിംഗ് ഉപകരണങ്ങളെ ഇത്തരം എഐ സിസ്റ്റങ്ങൾ മാറ്റിമറിക്കുമോ എന്ന ചർച്ചകൾ സജീവമായിരിക്കുകയാണ്.
എന്നാൽ ഈ സാങ്കേതിക വിദ്യ കൊണ്ടുവരുന്ന പ്രശ്നങ്ങളും ചർച്ച ചെയ്യപ്പെടുന്നുണ്ട്. ചരിത്രപരമായ ചിത്രങ്ങളും യഥാർത്ഥ ജീവിത ഫോട്ടോകളും ഇത്തരത്തിൽ മാറ്റിമറിക്കപ്പെടുമ്പോൾ തെറ്റായ വിവരങ്ങളും പ്രചാരണങ്ങളും പരത്താൻ അത് ഉപയോഗിക്കപ്പെടാവുന്ന സാഹചര്യമുണ്ട്. സോവിയറ്റ് കാലഘട്ടത്തിലെ ചിത്ര മാനിപ്പുലേഷനുമായി ഇതിനെ താരതമ്യപ്പെടുത്തുന്നവരും ഉണ്ട്. അത്തരത്തിൽ തെറ്റായി ഉപയോഗിക്കപ്പെടുമ്പോൾ ഇത്തരം സാങ്കേതികവിദ്യകൾ എത്രമാത്രം അപകടകരമാകാമെന്ന് ഇത് ചൂണ്ടിക്കാട്ടുന്നു.
പൊതുജന പ്രതികരണം വ്യത്യസ്തമാണ്. എഐ എഡിറ്റിംഗിലെ പുരോഗതിയിൽ ആവേശം കൊള്ളുന്നവരും, അതിന്റെ ദുരുപയോഗത്തെക്കുറിച്ച് ആശങ്കപ്പെടുന്നവരുമുണ്ട്. സാങ്കേതിക വിദ്യയുടെ ഈ വിപ്ലവകരമായ മാറ്റത്തെ ഗെയിം-ചേഞ്ചർ എന്ന് വിശേഷിപ്പിക്കുന്നവരും, മാനിപ്പുലേറ്റ് ചെയ്യപ്പെട്ട മീഡിയയുടെ പ്രവർത്തിയെ ഭയക്കുന്നവരുമുണ്ട്. സോഷ്യൽ മീഡിയയിൽ ഹാസ്യരൂപേണ പ്രതികരിച്ചവരും കുറവല്ല. മസ്ക്കിന്റെ ട്വീറ്റിനോട് പ്രതികരിച്ച് നിരവധി മീമുകൾ പങ്കുവെക്കപ്പെട്ടു, ഉള്ളടക്ക നിർമ്മാണത്തിൽ എഐയുടെ പങ്കിനെക്കുറിച്ചുള്ള നിരന്തരമായ ചർച്ചകളെ ഇത് പ്രതിഫലിപ്പിക്കുന്നു.
