ഒന്റാരിയോ/ക്യുബക്: ഒന്റാരിയോ, ക്യുബക് പ്രവിശ്യകളിൽ വിതരണം ചെയ്ത പ്രമുഖ ബ്രാൻഡിന്റെ എഗ്ഗ് പ്രാെഡക്റ്റ്സ് സാൽമൊണല്ല ബാക്ടീരിയയുടെ സാന്നിധ്യം കണ്ടെത്തിയതിനെത്തുടർന്ന് വിപണിയിൽ നിന്ന് അടിയന്തരമായി പിൻവലിക്കുന്നു. കനേഡിയൻ ഫുഡ് ഇൻസ്പെക്ഷൻ ഏജൻസിയാണ് (CFIA) ഇത് സംബന്ധിച്ച കർശന മുന്നറിയിപ്പ് നൽകിയത്. സുപ്രീം ലിക്വിഡ് ഹോൾ എഗ്സ്, സുപ്രീം ലിക്വിഡ് എഗ്ഗ് വൈറ്റ്സ് എന്നീ ബ്രാൻഡുകളുടെ ഒരു കിലോഗ്രാം പാക്കറ്റുകളാണ് നിലവിൽ തിരിച്ചുവിളിച്ചിരിക്കുന്നത്.
മാർച്ച് 24-നും മെയ് 7-നും ഇടയിൽ കാലാവധി അവസാനിക്കുന്ന ഉൽപ്പന്നങ്ങൾക്കാണ് ഈ നിയന്ത്രണം ബാധകം. ഹോട്ടലുകൾ, റെസ്റ്റോറന്റുകൾ, മറ്റ് വൻകിട സ്ഥാപനങ്ങൾ എന്നിവടങ്ങളിലാണ് ഈ ലിക്വിഡ് മുട്ട ഉൽപ്പന്നങ്ങൾ പ്രധാനമായും ഉപയോഗിച്ചു വരുന്നത്. അതിനാൽ തന്നെ ഈ ഉൽപ്പന്നങ്ങൾ കൈവശമുള്ളവർ അവ ഉപയോഗിക്കാനോ വിൽക്കാനോ വിതരണം ചെയ്യാനോ പാടുള്ളതല്ലെന്ന് അധികൃതർ അറിയിച്ചു. സിടിവി ന്യൂസാണ് ഇത് സംബന്ധിച്ച വാർത്ത റിപ്പോർട്ട് ചെയ്തത്.
ഈ പ്രത്യേക ബാച്ചുകളിൽപ്പെട്ട ഉൽപ്പന്നങ്ങൾ വാങ്ങിയ ഉപഭോക്താക്കൾ അവ ഉടനടി നശിപ്പിച്ചു കളയുകയോ വാങ്ങിയ കേന്ദ്രങ്ങളിൽ തിരികെ ഏൽപ്പിക്കുകയോ ചെയ്യണമെന്ന് ആരോഗ്യ വിഭാഗം നിർദ്ദേശിക്കുന്നു.മലിനമായ ഭക്ഷണത്തിലൂടെ പകരുന്ന സാൽമൊണല്ല ബാക്ടീരിയ ശരീരത്തിലെത്തിയാൽ പനി, വയറുവേദന, ഛർദ്ദി തുടങ്ങിയ ആരോഗ്യപ്രശ്നങ്ങൾ ഉണ്ടാകാൻ സാധ്യതയുണ്ട്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Egg products recalled in Ontario and Quebec due to Salmonella
