ആർട്ടിഫിഷ്യൽ ഇന്റലിജൻസ് (എഐ) സാങ്കേതികവിദ്യ ഉപയോഗിച്ച് ഡ്രൈവറുടെ സഹായമില്ലാതെ സഞ്ചരിക്കുന്ന കാറുകളുമായി ജർമൻ സ്റ്റാർട്ടപ്പ് കമ്പനിയായ ‘ബ്ലിക്’ (Bliq) എസ്തോണിയയിൽ പ്രവർത്തനം ആരംഭിച്ചു. സ്വകാര്യ വാഹന ഉടമകൾക്കും കമ്പനികളുടെ വാഹനവ്യൂഹങ്ങൾക്കും ഉപയോഗിക്കാവുന്ന തരത്തിലാണ് സാങ്കേതികവിദ്യ വികസിപ്പിച്ചിരിക്കുന്നത്. സാധാരണ റോബോ ടാക്സി സേവനങ്ങളിൽനിന്ന് വ്യത്യസ്തമായാണ് ബ്ലിക് ഇതിനെ അവതരിപ്പിക്കുന്നത്.
ക്യാമറകൾ, വിവിധ സെൻസറുകൾ, ഓൺ-ബോർഡ് കംപ്യൂട്ടറുകൾ എന്നിവ ഉൾപ്പെടുന്ന എഐ സംവിധാനമാണ് വാഹനങ്ങളുടെ മുകളിൽ ഘടിപ്പിച്ചിരിക്കുന്നത്. ഇവയുടെ സഹായത്തോടെ കാറുകൾക്ക് റോഡിലെ സാഹചര്യങ്ങൾ മനസിലാക്കി സ്വയം സഞ്ചരിക്കാനാകും. യാത്ര പൂർണമായും ഓട്ടോമാറ്റിക്കായിരിക്കുമെങ്കിലും സുരക്ഷ ഉറപ്പാക്കാൻ റിമോട്ട് കൺട്രോൾ വഴി മനുഷ്യ ഓപ്പറേറ്റർമാർ വാഹനങ്ങളെ നിരീക്ഷിക്കും. സങ്കീർണമായ ട്രാഫിക് സാഹചര്യങ്ങളിലോ അടിയന്തര ഘട്ടങ്ങളിലോ ആവശ്യമെങ്കിൽ ഇവർക്ക് വിദൂരമായി വാഹനത്തിന്റെ നിയന്ത്രണം ഏറ്റെടുക്കാനും കഴിയും.
ALSO READ ; Canada PR 2026; കാനഡയുടെ പി.ആർ പ്രവേശനം മന്ദഗതിയിൽ; ആറുമാസത്തിൽ 1.82 ലക്ഷം പേർ
സ്വയം നിയന്ത്രിത വാഹനങ്ങൾക്ക് നിയമപരമായ അനുമതി നൽകിയ ആദ്യ യൂറോപ്യൻ രാജ്യങ്ങളിലൊന്നാണ് എസ്തോണിയ. ഇതാണ് ഇവിടെ പ്രവർത്തനം ആരംഭിക്കാൻ ബ്ലിക്കിനെ പ്രേരിപ്പിച്ച പ്രധാന ഘടകം. എസ്തോണിയയിലെ പ്രവർത്തനത്തിന്റെ വിജയത്തിന് പിന്നാലെ യൂറോപ്പിലെ മറ്റ് രാജ്യങ്ങളിലേക്കും പിന്നീട് ലോകത്തിന്റെ വിവിധ ഭാഗങ്ങളിലേക്കും ഡ്രൈവറില്ലാ വാഹന സാങ്കേതികവിദ്യ വ്യാപിപ്പിക്കുകയാണ് കമ്പനിയുടെ ലക്ഷ്യം. ഗതാഗത മേഖലയിലും പ്രവാസികളുടെ യാത്രാ രീതികളിലും മാറ്റങ്ങൾക്ക് വഴിയൊരുക്കാൻ ഈ സാങ്കേതികവിദ്യയ്ക്ക് കഴിയുമെന്നാണ് പ്രതീക്ഷ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
