ന്യൂ ഡൽഹി : ജീവിതത്തിൽ വിജയത്തിലേക്ക് എളുപ്പവഴികളും കുറുക്കുവഴികളും തിരഞ്ഞെടുക്കരുതെന്ന് രാജ്യത്തെ യുവതലമുറയോട് (ജെൻസി) പ്രധാനമന്ത്രി നരേന്ദ്ര മോദി ആഹ്വാനം ചെയ്തു. മുൻ രാഷ്ട്രപതി റാം നാഥ് കോവിന്ദിൻ്റെ ആത്മകഥയായ ‘ട്രയംഫ് ഓഫ് ദി ഇന്ത്യൻ റിപ്പബ്ലിക്: മൈ ലൈഫ്, മൈ സ്ട്രഗിൾസ്’ (Triumph of the Indian Republic: My Life, My Struggles) പ്രകാശനം ചെയ്ത് സംസാരിക്കുകയായിരുന്നു അദ്ദേഹം. യുവാക്കൾ അവർ ആരാധിക്കുന്ന പ്രമുഖ വ്യക്തികളുടെ ആത്മകഥകൾ വായിച്ചു പഠിക്കണമെന്നും, അതിലൂടെ മുൻകാല ചരിത്ര സംഭവങ്ങളെയും ജീവിതാനുഭവങ്ങളെയും കുറിച്ച് കൃത്യമായ ധാരണ ലഭിക്കുമെന്നും അദ്ദേഹം വ്യക്തമാക്കി.
അന്താരാഷ്ട്ര യുവജന ദിനത്തോടനുബന്ധിച്ച് എക്സിലൂടെ നൽകിയ പ്രത്യേക സന്ദേശത്തിൽ രാജ്യത്തെ യുവതയെ പ്രധാനമന്ത്രി വീണ്ടും പ്രകീർത്തിച്ചു. യുവതലമുറ കേവലം രാജ്യത്തിന്റെ ഭാവി മാത്രമല്ലെന്നും, മറിച്ച് ഇന്ത്യയുടെ വർത്തമാനകാലത്തെ ഏറ്റവും വലിയ ശക്തിയാണെന്നും അദ്ദേഹം കുറിച്ചു. ഉയർന്ന സംവേദനക്ഷമത, സേവന മനോഭാവം, മികച്ച പ്രകടനം എന്നിവയിലൂടെ ലോകമെമ്പാടും സ്വന്തമായ വ്യക്തിമുദ്ര പതിപ്പിക്കാൻ ഇന്നത്തെ യുവാക്കൾക്ക് സാധിക്കുന്നുണ്ടെന്നും പ്രധാനമന്ത്രി കൂട്ടിച്ചേർത്തു.
Don’t look for shortcuts in life; PM Narendra Modi tells JNS
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
