ഷാർലറ്റ്ടൗൺ: കാനഡയിലെ പ്രമുഖ ജൂനിയർ ഹോക്കി ടീമായ ചാർലറ്റ്ടൗൺ ഐലൻഡേഴ്സ് വരും സീസണിൽ കഠിനാധ്വാനം ചെയ്യുമെങ്കിലും എല്ലാ മത്സരങ്ങളിലും വിജയം പ്രതീക്ഷിക്കാനാകില്ലെന്ന് പുതിയ ഹെഡ് കോച്ച് ജോൺ മിച്ചൽ. 11 സീസണുകൾക്ക് ശേഷം മുൻ പരിശീലകൻ ജിം ഹൾട്ടൺ സ്ഥാനം ഒഴിഞ്ഞതിനെ തുടർന്നാണ് എൻഎച്ച്എൽ (NHL) മുൻ താരം കൂടിയായ ജോൺ മിച്ചലിനെ പുതിയ ഹെഡ് കോച്ചായി നിയമിച്ചത്.
ഈ വർഷം ചെറുപ്പക്കാരായ കളിക്കാരാണ് ടീമിലുള്ളതെന്നും അതിനാൽ എല്ലാ മത്സരങ്ങളിലും വിജയം പ്രതീക്ഷിക്കുന്നത് പ്രായോഗികമല്ലെന്നും സിബിസി ന്യൂസിന് നൽകിയ അഭിമുഖത്തിൽ അദ്ദേഹം വ്യക്തമാക്കി. എങ്കിലും ഓരോ മത്സരത്തിലും ജയിക്കണമെന്ന ലക്ഷ്യത്തോടെ തന്നെയായിരിക്കും ടീം ഇറങ്ങുക. ടൊറന്റോ മാപ്പിൾ ലീഫ്സ്, ന്യൂയോർക്ക് റേഞ്ചേഴ്സ്, കൊളറാഡോ അവലാഞ്ച് തുടങ്ങിയ NHL ടീമുകൾക്കായി 500-ലധികം മത്സരങ്ങൾ കളിച്ച പരിചയസമ്പത്തുമായാണ് മിച്ചൽ ഈ പദവിയിലെത്തുന്നത്. കളിക്കാരുടെ വ്യക്തിഗത കഴിവുകൾ വളർത്തുന്നതിനാണ് പ്രാധാന്യം നൽകുന്നതെന്ന് അദ്ദേഹം പറഞ്ഞു.
തങ്ങളുടെ ഹോം ഗ്രൗണ്ടായ ഈസ്റ്റ്ലിങ്ക് സെന്ററിന്റെ വികസന പ്രവർത്തനങ്ങൾ പൂർത്തിയാകുന്നതോടെ ഭാവിയിൽ മെമ്മോറിയൽ കപ്പിന് ആതിഥേയത്വം വഹിക്കാൻ ഷാർലറ്റ്ടൗണിന് കഴിയുമെന്ന പ്രതീക്ഷയും മിച്ചൽ പങ്കുവെച്ചു. 54.9 മില്യൺ ഡോളർ ചെലവിൽ നടക്കുന്ന മൈതാനത്തിന്റെ വികസനത്തിന് ഫെഡറൽ ധനമന്ത്രി ഫ്രാൻസ്വാ ഫിലിപ്പ് ഷാമ്പെയ്ൻ പിന്തുണ പ്രഖ്യാപിച്ചിട്ടുണ്ട്. ഈസ്റ്റ്ലിങ്ക് സെന്ററിലെ കാണികളുടെ ശേഷി 4,000-ത്തിൽ നിന്ന് 5,000 ആയി ഉയർത്താനാണ് പദ്ധതി. സെപ്റ്റംബർ 18-ന് മോങ്ക്ടൺ വൈൽഡ്ക്യാറ്റ്സിനെതിരെയാണ് ഷാർലറ്റ്ടൗൺ ഐലൻഡേഴ്സിന്റെ ഈ സീസണിലെ ആദ്യ മത്സരം.
Charlottetown Islanders appoint former NHL player John Mitchell as new coach
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
