ട്രംപിന്റെ ഫെഡറൽ വെട്ടിക്കുറവുകൾക്കിടയിൽ കാനഡയിലേക്കുള്ള അമേരിക്കൻ അപേക്ഷകളിൽ 30% വർദ്ധനവ്
ന്യൂ ബ്രൺസ്വിക്ക് : കനേഡിയൻ റിക്രൂട്ടർമാർ അമേരിക്കൻ പൗരന്മാരിൽ നിന്നുള്ള തൊഴിൽ അപേക്ഷകളിൽ വൻ വർധനവ് റിപ്പോർട്ട് ചെയ്യുന്നു. പുതിയ അമേരിക്കൻ ഭരണത്തിന്റെ തൊഴിൽ വെട്ടിക്കുറവുകളും സാമൂഹിക-രാഷ്ട്രീയ മാറ്റങ്ങളും കാരണം അമേരിക്കൻ വിദഗ്ധ തൊഴിലാളികൾ കാനഡയിലേക്ക് മാറുന്നതായി കണ്ടെത്തി.എക്സിക്യൂട്ടീവ് റിക്രൂട്ടർ ജെന്നി മാസി പറയുന്നതനുസരിച്ച്, അവരുടെ സ്ഥാപനത്തിൽ അമേരിക്കൻ അപേക്ഷകരുടെ എണ്ണം മുൻകാലത്തെ 5-10 ശതമാനത്തിൽ നിന്ന് ഇപ്പോൾ 30 ശതമാനമായി ഉയർന്നിട്ടുണ്ട്.ഇപ്പോൾ ലഭിക്കുന്ന അപേക്ഷകളിൽ മൂന്നിലൊന്നും അമേരിക്കയിൽ നിന്നുള്ളവരാണ്. ഇത് അസാധാരണമായ വർധനവാണെന്ന് മാസി പറയുന്നു.
ഹൗസിംഗ് പ്രതിസന്ധിയും ജനസംഖ്യാ സമ്മർദ്ദവും ലഘൂകരിക്കുന്നതിനായി കാനഡ അടുത്തിടെ ന്യൂ ബ്രൺസ്വിക്കിലെ സാമ്പത്തിക കുടിയേറ്റ സ്ഥാനങ്ങൾ പകുതിയായി കുറച്ചിട്ടുണ്ട്. ഇത് ലഭ്യമായ തൊഴിലുകൾക്കായി കടുത്ത മത്സരം സൃഷ്ടിക്കുന്നു.
ഭാഷാ പരിജ്ഞാനം, വിദ്യാഭ്യാസം, പ്രവൃത്തി പരിചയം എന്നിവ കാരണം അമേരിക്കൻ അപേക്ഷകർ പലപ്പോഴും ശക്തരായ സ്ഥാനാർത്ഥികളായി കണക്കാക്കപ്പെടുന്നു.
അമേരിക്കയിലെ തൊഴിൽ സാഹചര്യത്തിലും സാമൂഹിക അന്തരീക്ഷത്തിലും വലിയ മാറ്റങ്ങൾ കൊണ്ടുവന്നിരിക്കുന്നു. ഈ മാറ്റങ്ങൾ സൃഷ്ടിച്ച അനിശ്ചിതത്വം നിരവധി അമേരിക്കൻ പ്രൊഫഷണലുകൾക്ക് കൂടുതൽ സ്ഥിരതയുള്ള എൻവിറോണ്മെന്റ് തേടി കാനഡയിലേക്ക് മാറാൻ കാരണമായിട്ടുണ്ട്.
കുടിയേറ്റ നയങ്ങളിലെ പരിമിതികൾ ഉണ്ടെങ്കിലും, ഈ പ്രവണത കാനഡക്ക് മികച്ച അമേരിക്കൻ പ്രതിഭകളെ ആകർഷിക്കാനുള്ള അവസരമായി നിലനിൽക്കുന്നു. രണ്ട് രാജ്യങ്ങളിലെയും ഭാവി രാഷ്ട്രീയ-സാമ്പത്തിക സാഹചര്യങ്ങൾ ഈ പ്രവണത എത്രമാത്രം തുടരുമെന്ന് നിർണയിക്കും.
