ലോസ് ഏഞ്ചലസ്: ലോകകപ്പ് ഫുട്ബോളിന്റെ നോക്കൗട്ട് സ്റ്റേജിൽ കാനഡയ്ക്ക് ചരിത്ര വിജയം. ആവേശകരമായ പ്രീ ക്വാർട്ടർ പോരാട്ടത്തിൽ (റൗണ്ട് ഓഫ് 32) ദക്ഷിണാഫ്രിക്കയെ എതിരില്ലാത്ത ഒരു ഗോളിന് തകർത്ത് കാനഡ പ്രീ ക്വാർട്ടറിലേക്ക് (റൗണ്ട് ഓഫ് 16) യോഗ്യത നേടി. മത്സരത്തിന്റെ നിശ്ചിത സമയം കഴിഞ്ഞ് രണ്ടാം പകുതിയുടെ ഇൻജുറി ടൈമിൽ (90+2′ മിനിറ്റ്) സ്റ്റീഫൻ യുസ്റ്റാക്വിയോ നേടിയ തകർപ്പൻ ഗോളാണ് കാനഡയ്ക്ക് ചരിത്ര വിജയം സമ്മാനിച്ചത്. ഇതാദ്യമായാണ് കാനഡ ലോകകപ്പിന്റെ പ്രീ ക്വാർട്ടർ ഘട്ടത്തിലേക്ക് പ്രവേശിക്കുന്നത്.
മത്സരത്തിലുടനീളം ഇരുടീമുകളും ഒപ്പത്തിനൊപ്പം പോരാടിയെങ്കിലും ഇഞ്ചുറി ടൈമിലെ കാനഡയുടെ മിസൈൽ മുന്നേറ്റം ദക്ഷിണാഫ്രിക്കൻ പ്രതിരോധത്തിന്റെ താളം തെറ്റിച്ചു. ജേക്കബ് ഷാഫൽബർഗ് നടത്തിയ വിംഗിലൂടെയുള്ള മുന്നേറ്റമാണ് ഗോളിന് വഴിയൊരുക്കിയത്. ഷാഫൽബർഗ് ബോക്സിലേക്ക് നൽകിയ ക്രോസ് ദക്ഷിണാഫ്രിക്കൻ പ്രതിരോധ താരം ഹെഡ്ഡ് ചെയ്ത് അകറ്റിയെങ്കിലും, റീബൗണ്ടായി വന്ന പന്ത് ബോക്സിന് തൊട്ടുപുറത്തുനിന്നും യുസ്റ്റാക്വിയോ ഒരു മനോഹരമായ വോളിയിലൂടെ വലയിലെത്തിക്കുകയായിരുന്നു.
ഗ്രൂപ്പ് ഘട്ട മത്സരങ്ങളെല്ലാം സ്വന്തം നാട്ടിൽ കളിച്ച കാനഡയ്ക്ക്, ഈ ലോകകപ്പിൽ കാനഡയ്ക്ക് പുറത്ത് കളിക്കേണ്ടി വന്ന ആദ്യ മത്സരമായിരുന്നു ലോസ് ഏഞ്ചലസിലേത്. മത്സരത്തിന്റെ 75-ാം മിനിറ്റിൽ സൂപ്പർ താരം അൽഫോൻസോ ഡേവിസ് പകരക്കാരനായി കളത്തിലിറങ്ങിയതാണ് കാനഡയുടെ കളി ശൈലിക്ക് പുതിയ ജീവൻ നൽകിയത്. പരിക്കിനെത്തുടർന്ന് ഈ ലോകകപ്പിൽ ഇതുവരെ കളിക്കാതിരുന്ന ഡേവിസിന്റെ വരവോടെ കനേഡിയൻ നിര കൂടുതൽ ആക്രമണാത്മകമായി കളിച്ചു. കോച്ച് ജെസ്സി മാർഷിന്റെ ഈ തന്ത്രപരമായ മാറ്റം കാനഡയ്ക്ക് മത്സരത്തിൽ വ്യക്തമായ മേധാവിത്വം നൽകി.
മത്സരശേഷമുള്ള കനേഡിയൻ ടീമിന്റെ ആഹ്ലാദപ്രകടനം ഗാലറിയെ ആവേശത്തിലാഴ്ത്തി. കളിക്ക് ശേഷം ഗ്രൗണ്ടിൽ ഒത്തുകൂടിയ കളിക്കാരെ അഭിസംബോധന ചെയ്ത് കോച്ച് ജെസ്സി മാർഷ് നടത്തിയ പ്രസംഗം ഇതിനോടകം ശ്രദ്ധേയമായിട്ടുണ്ട്. “നിങ്ങൾ ഇന്ന് കാനഡയുടെ നായകന്മാരാണ്. ഈ രാജ്യത്തെ വരുംതലമുറകൾ ഫുട്ബോളിനെ നെഞ്ചേറ്റാൻ പോകുന്നത് നിങ്ങളെ കണ്ടിട്ടാണ്. കാനഡയിൽ ഈ കായികവിനോദത്തിന് വലിയൊരു ഭാവിയുണ്ട്. കളിയിലുടനീളം നിങ്ങൾ പുലർത്തിയ ആത്മവിശ്വാസമാണ് ഈ വിജയത്തിന് കാരണം,” മാർഷ് കളിക്കാരോട് പറഞ്ഞു. പ്രീ ക്വാർട്ടറിൽ മൊറോക്കോയോ നെതർലൻഡ്സോ ആയിരിക്കും കാനഡയുടെ എതിരാളികൾ.
Canada makes history in the World Cup; beats South Africa to reach the pre-quarters, Eustaquio is the savior
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
