കാനഡയുമായി പുതിയ അധ്യായം തുറക്കാൻ ഇന്ത്യ; നിർണായകമായി സുരക്ഷാ ഉപദേഷ്ടാക്കളുടെ കൂടിക്കാഴ്ച

ന്യൂഡൽഹി: ഭീകരവാദം, അന്തർദേശീയ കുറ്റകൃത്യങ്ങൾ എന്നിവ നേരിടുന്നതിൽ പ്രത്യേക ഊന്നൽ നൽകിക്കൊണ്ട് ഇന്ത്യയും കാനഡയും ഒരുമിച്ച് പ്രവർത്തിക്കാനും പുതിയൊരു അധ്യായം തുറക്കാനും സമ്മതിച്ചതായി കാനഡയുടെ ദേശീയ സുരക്ഷാ ഉപദേഷ്ടാവ് നതാലി ഡ്രൂയിൻ. ഇന്ത്യൻ ദേശീയ സുരക്ഷാ ഉപദേഷ്ടാവ് അജിത് ഡോവലുമായി കൂടിക്കാഴ്ച നടത്തിയതിന് പിന്നാലെയാണ് ഡ്രൂയിൻ ഇക്കാര്യം വ്യക്തമാക്കിയത്.

“ഞങ്ങൾക്ക് ഇവിടെ പൊതുവായ ഒരു ധാരണയും ലക്ഷ്യവുമുണ്ട്. ഞങ്ങളുടെ ഭാഗത്ത് നിന്ന് ‘ഒരൊറ്റ ഇന്ത്യ’ എന്നതിനെക്കുറിച്ചും അവരുടെ പ്രദേശത്തിന്റെ അഖണ്ഡതയെ ബഹുമാനിക്കുന്നതിനെക്കുറിച്ചും വളരെ വ്യക്തമായ നിലപാടുണ്ടാകണമെന്ന് അവർ ആഗ്രഹിക്കുന്നു. കാനഡയിൽ സുരക്ഷിതമായ തെരുവുകളാണ് ഞങ്ങൾ ആഗ്രഹിക്കുന്നത്,” കനേഡിയൻ പ്രസ്സ് ഡ്രൂയിനെ ഉദ്ധരിച്ച് റിപ്പോർട്ട് ചെയ്തു.

2023ൽ സിഖ് വിഘടനവാദി ഹർദീപ് സിംഗ് നിജ്ജാറിന്റെ കൊലപാതകവുമായി ബന്ധപ്പെട്ട് ഇരു രാജ്യങ്ങൾക്കുമിടയിൽ സംഭവിച്ച ഉലച്ചിൽ പരിഹരിക്കുന്നതിലാണ് കൂടിക്കാഴ്ച പ്രധാനമായും ശ്രദ്ധ കേന്ദ്രീകരിച്ചത്. കഴിഞ്ഞ ആഴ്ച ഇന്ത്യ സന്ദർശിച്ച ഡ്രൂയിൻ, ട്രാൻസ്‌നാഷണൽ റിപ്രഷൻ ഉൾപ്പെടെയുള്ള സുരക്ഷാ വിഷയങ്ങളെക്കുറിച്ച് സംസാരിക്കാൻ സെപ്റ്റംബർ 18-ന് ഡോവലുമായി കൂടിക്കാഴ്ച നടത്തിയിരുന്നു.

നേരത്തെ ജി7 ഉച്ചകോടിക്കിടെ കാനഡ പ്രധാനമന്ത്രി മാർക്ക് കാർണിയും ഇന്ത്യൻ പ്രധാനമന്ത്രി നരേന്ദ്ര മോദിയും കൂടിക്കാഴ്ച നടത്തിയിരുന്നു. ഈ ചർച്ചകൾ ഇന്ത്യ-കാനഡ ഉഭയകക്ഷി ബന്ധത്തിന്റെ അവസ്ഥ വിലയിരുത്തുന്നതിനും മറ്റ് അന്താരാഷ്ട്ര, പ്രാദേശിക വിഷയങ്ങളെക്കുറിച്ച് കാഴ്ചപ്പാടുകൾ കൈമാറുന്നതിനും അവസരമൊരുക്കി.

2025 ജൂൺ മുതൽ ഇരുരാജ്യങ്ങളിലെയും ഹൈക്കമ്മീഷണർമാർ അതത് തലസ്ഥാനങ്ങളിലേക്ക് തിരിച്ചെത്തിയത് ഉൾപ്പെടെയുള്ള പുരോഗതിയെയും അവർ സ്വാഗതം ചെയ്തു. ബന്ധം സാധാരണ നിലയിലാക്കാനും ക്രിയാത്മകവും സമതുലിതവുമായ പങ്കാളിത്തം പിന്തുടരാനുമുള്ള രണ്ട് പ്രധാനമന്ത്രിമാരുടെയും ധാരണയ്ക്ക് അനുസൃതമായി, വ്യാപാരം, പ്രതിരോധം, ഊർജ്ജം, സിവിൽ ആണവം, സുരക്ഷാ-നിയമ നിർവ്വഹണം, നിർണായക ധാതുക്കൾ, ബഹിരാകാശം, ശാസ്ത്ര സാങ്കേതികവിദ്യ, കൃഷി തുടങ്ങിയ വിവിധ മേഖലകളിലെ ഉഭയകക്ഷി ചർച്ചാ സംവിധാനങ്ങൾ പുനരാരംഭിക്കുന്നതിന് ആവശ്യമായ നടപടികൾ സ്വീകരിക്കാനും ഇരുപക്ഷവും സമ്മതിച്ചതായി വിദേശകാര്യ മന്ത്രാലയം (MEA) അറിയിച്ചു.

📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82

Canada gets clear message from Delhi; Khalistan threat, extraditions in focus