ഒട്ടാവ: കാനഡയിൽ പ്രാക്ടീസ് ചെയ്യാൻ ആഗ്രഹിക്കുന്ന വിദേശ അഭിഭാഷകർക്കായി നാഷണൽ കമ്മിറ്റി ഓൺ അക്രഡിറ്റേഷൻ (NCA) പുതിയ നിബന്ധനകൾ ഏർപ്പെടുത്തി. 2026 മാർച്ച് 1 മുതൽ നിലവിൽ വന്ന ഈ പരിഷ്കാരങ്ങൾ പ്രകാരം ലാംഗ്വേജ് സ്ക്രീനിംഗും ഇൻഡിജിനസ് ലോ (Indigenous Law) പഠനവും ഇനി നിർബന്ധമാണ്. ക്യുബെക് ഒഴികെയുള്ള കാനഡയിലെ എല്ലാ പ്രവിശ്യകളിലും ജോലി ചെയ്യാൻ ആഗ്രഹിക്കുന്നവർക്ക് ഈ നിയമം ബാധകമായിരിക്കും.
അപേക്ഷകർ ഇംഗ്ലീഷിലോ ഫ്രഞ്ചിലോ ഉള്ള ഭാഷാ സ്ക്രീനിംഗ് ടെസ്റ്റ് പാസാകണം. നിശ്ചിത സ്കോർ ലഭിക്കാത്തവർ ഐഇഎൽടിഎസ് (IELTS), സെൽപിപ്പ് (CELPIP) തുടങ്ങിയ അംഗീകൃത പരീക്ഷകളിൽ ഉയർന്ന മാർക്ക് നേടി യോഗ്യത തെളിയിക്കേണ്ടി വരും. കാനഡയിലെ ഗോത്രവർഗ നിയമങ്ങളെക്കുറിച്ചും അവരുടെ ചരിത്രത്തെക്കുറിച്ചും അറിവുണ്ടെന്ന് തെളിയിക്കുന്ന പ്രത്യേക കോഴ്സ് പൂർത്തിയാക്കണം. റെസിഡൻഷ്യൽ സ്കൂളുകളുടെ ചരിത്രം, ഗോത്രവർഗക്കാർ നേരിടുന്ന വിവേചനങ്ങൾ തുടങ്ങിയ വിഷയങ്ങൾ ഇതിൽ ഉൾപ്പെടുന്നു.
നേരത്തെ ഇംഗ്ലീഷോ ഫ്രഞ്ചോ ഔദ്യോഗിക ഭാഷയായ രാജ്യങ്ങളിൽ നിന്ന് നിയമബിരുദം നേടിയവർക്ക് ലാംഗ്വേജ് ടെസ്റ്റിൽ ഇളവ് ലഭിച്ചിരുന്നു. എന്നാൽ പുതിയ നിയമം വന്നതോടെ ഈ ആനുകൂല്യം ഇല്ലാതായി. കാനഡയിലേക്ക് കുടിയേറാൻ ആഗ്രഹിക്കുന്ന അഭിഭാഷകർക്ക് ഈ പുതിയ പരിഷ്കാരങ്ങൾ വലിയ വെല്ലുവിളിയാകും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Canada expands licensing requirements for internationally trained lawyers
