അമേരിക്ക: ഫിഫ ലോകകപ്പിനായി അമേരിക്കൻ മണ്ണിലിറങ്ങിയ ഫുട്ബോൾ വമ്പന്മാരായ ബ്രസീലിയൻ ദേശീയ ടീമിന് വിമാനത്താവളത്തിൽ നേരിടേണ്ടി വന്നത് കടുത്ത സുരക്ഷാ പരിശോധനകൾ. ലോകമെമ്പാടുമുള്ള ആരാധകരെ ഞെട്ടിച്ചുകൊണ്ട്, വിമാനത്താവള അധികൃതർ ടീമംഗങ്ങളെ മണിക്കൂറുകളോളം പരിശോധനകൾക്കായി തടഞ്ഞുവെച്ചു.
പ്രമുഖ ബ്രസീലിയൻ മാധ്യമമായ ‘ഒ ഗ്ലോബോ’ ആണ് ഇക്കാര്യം റിപ്പോർട്ട് ചെയ്തത്. കളിക്കാരും കോച്ചിങ് സ്റ്റാഫും അടങ്ങുന്ന മുഴുവൻ സംഘത്തെയും മെറ്റൽ ഡിറ്റക്ടർ സ്കാനിംഗിന് പുറമെ, ബാഗുകൾ അരിച്ചുപെറുക്കി പരിശോധിക്കാനും ഷൂസ് അഴിച്ചുവെച്ച് പരിശോധന നടത്താനും അധികൃതർ നിർബന്ധിച്ചു. കളിക്കാരുടെ വ്യക്തിഗത സാധനങ്ങൾ വരെ വിശദമായ പരിശോധനയ്ക്ക് വിധേയമാക്കിയത് ടീം മാനേജ്മെന്റിനെ വലിയ തോതിൽ പ്രകോപിപ്പിച്ചിട്ടുണ്ട്.
ലോകകപ്പ് പോലുള്ള വലിയൊരു ടൂർണമെന്റിനായി എത്തുന്ന കായിക താരങ്ങളോട് പോലും ഇത്രയും മോശമായ രീതിയിൽ പെരുമാറിയത് വലിയ വിമർശനങ്ങൾക്ക് വഴിവെച്ചിരിക്കുകയാണ്. ബ്രസീലിന് മാത്രമല്ല, സെനഗൽ, ഉസ്ബെക്കിസ്ഥാൻ തുടങ്ങിയ രാജ്യങ്ങളുടെ ടീമുകൾക്കും സമാനമായ ദുരനുഭവങ്ങൾ അമേരിക്കൻ വിമാനത്താവളങ്ങളിൽ ഉണ്ടായതായും റിപ്പോർട്ടുകളുണ്ട്. വിഷയത്തിൽ ഫിഫയോട് ഔദ്യോഗികമായി പരാതിപ്പെടാൻ ടീമുകൾ തയ്യാറെടുക്കുന്നതായാണ് സൂചന. കായിക ലോകത്ത് വലിയ ചർച്ചയാവുകയാണ് ഈ സംഭവം.
Brazil faces 'inspection harassment' at airport after reaching World Cup
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
