ഒന്റാരിയോ ; സ്കൂൾ തുറക്കുന്നതോടെ കുട്ടികളുടെ ആദ്യദിന ചിത്രങ്ങൾ സോഷ്യൽ മീഡിയയിൽ പങ്കുവെക്കുന്ന രക്ഷിതാക്കൾക്ക് മുന്നറിയിപ്പുമായി പോലീസ്. ഫോട്ടോകൾ പോസ്റ്റ് ചെയ്യുമ്പോൾ കുട്ടികളുടെ സുരക്ഷയെ ബാധിക്കുന്ന വ്യക്തിഗത വിവരങ്ങൾ പുറത്തുപോകാതിരിക്കാൻ രക്ഷിതാക്കൾ പ്രത്യേക ശ്രദ്ധ പുലർത്തണമെന്ന് കാനഡയിലെ സൗത്ത് സിംകോ പോലീസ് വ്യക്തമാക്കുന്നു.
ചിത്രങ്ങൾ പോസ്റ്റ് ചെയ്യുന്നതിന് മുൻപ് അവയുടെ പശ്ചാത്തലം ഒന്നുകൂടി പരിശോധിക്കണമെന്ന് പോലീസ് നിർദ്ദേശിക്കുന്നു. വസ്ത്രങ്ങളിലോ ചിത്രത്തിന്റെ പശ്ചാത്തലത്തിലുള്ള ബോർഡുകളിലോ അടിക്കുറിപ്പുകളിലോ കുട്ടിയുടെ പേര്, സ്കൂൾ, ബസ് റൂട്ട്, വീടിരിക്കുന്ന സ്ഥലം എന്നിവ വ്യക്തമാകുന്നത് അപകടകരമാണ്. ഇത്തരത്തിലുള്ള വിവരങ്ങൾ ഒഴിവാക്കി പകരം കുട്ടികളുടെ പ്രിയപ്പെട്ട വിനോദങ്ങളോ താല്പര്യങ്ങളോ മാത്രം പങ്കുവെക്കാനാണ് പോലീസ് ആവശ്യപ്പെടുന്നത്.
കുട്ടികളുടെ സ്വകാര്യത സംരക്ഷിച്ചുകൊണ്ട് തന്നെ ഈ കുഞ്ഞുസന്തോഷങ്ങൾ ആഘോഷിക്കാമെന്ന് സൗത്ത് സിംകോ പോലീസ് തങ്ങളുടെ സോഷ്യൽ മീഡിയ കുറിപ്പിലൂടെ ഓർമ്മിപ്പിക്കുന്നു. ആവേശം പങ്കുവെക്കുമ്പോഴും കുട്ടികളുടെ സുരക്ഷ ഉറപ്പാക്കുന്ന വിവരങ്ങൾക്ക് മാത്രം മുൻഗണന നൽകണമെന്നും പോലീസ് കൂട്ടിച്ചേർക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
