ആൽബർട്ട പ്രൊവിൻഷ്യൽ സർക്കാർ വ്യവസായിക കാർബൺ വില അനിശ്ചിതകാലത്തേക്ക് മരവിപ്പിക്കാൻ തീരുമാനിച്ചു. പ്രീമിയർ ഡാനിയേൽ സ്മിത്തിന്റെ നേതൃത്വത്തിലുള്ള സർക്കാർ ഇപ്പോഴത്തെ നിരക്കായ ടൺ ഒന്നിന് 95 ഡോളറിൽ തന്നെ തുടരുമെന്ന് പ്രഖ്യാപിച്ചു. നേരത്തെ ഉണ്ടായിരുന്ന പദ്ധതി അനുസരിച്ച് 2026-ൽ ഈ നിരക്ക് 110 ഡോളറായും 2030-ഓടെ 170 ഡോളറായും ഉയർത്താനിരിക്കുകയായിരുന്നു. പക്ഷേ, യുഎസുമായി നടക്കുന്ന വ്യാപാര പ്രശ്നങ്ങളുടെ സാഹചര്യത്തിൽ വ്യവസായങ്ങൾ മത്സരക്ഷമത നിലനിർത്താനും തൊഴിലവസരങ്ങൾ സംരക്ഷിക്കുന്നതിനും ഈ തീരുമാനം ആവശ്യമായതാണെന്ന് സർക്കാർ വ്യക്തമാക്കി.
പരിസ്ഥിതി മന്ത്രി റെബക്ക ഷുൾസ് ഈ നടപടി കാലാവസ്ഥാ ലക്ഷ്യങ്ങളിൽ നിന്നുള്ള പിന്മാറ്റമല്ലെന്നും മറിച്ച് ഉത്പാദന നിയന്ത്രണം തുടരുമ്പോഴും വ്യവസായ വളർച്ചയ്ക്ക് പിന്തുണ നൽകാനുള്ള ശ്രമമാണിത് എന്ന് അവർ വ്യക്തമാക്കി. ഈ നിരക്ക് മരവിപ്പിക്കുന്നതിലൂടെ ആൽബർട്ടയിലെ വ്യവസായങ്ങൾക്ക് സാമ്പത്തിക ഭാരം കുറയ്ക്കുന്നതിനൊപ്പം മത്സര ക്ഷമത നിലനിർത്താനും കഴിയുമെന്നാണ് പ്രൊവിൻഷ്യൽ സർക്കാരിന്റെ വിലയിരുത്തൽ.
എന്നിരുന്നാലും, ഈ തീരുമാനത്തിന് വിവിധ പരിസ്ഥിതി സംഘടനകളിൽ നിന്ന് വിമർശനങ്ങൾ ഉയർന്നിട്ടുണ്ട്. കാർബൺ വില വർധനവ് കാലാവസ്ഥാ മാറ്റം നേരിടുന്നതിനുള്ള പ്രധാന മാർഗമാണെന്ന് വിലയിരുത്തപ്പെടുന്നു. അത് മരവിപ്പിക്കുന്നത് പാരിസ് പാരിസ് കരാറിലെ കാനഡയുടെ പ്രതിജ്ഞകളെ ബാധിച്ചേക്കുമെന്ന് ചിലർ ആശങ്കപ്പെടുന്നു. എന്നാൽ,ആൽബർട്ട സർക്കാർ ഈ നിയന്ത്രണം ഒരു താൽക്കാലിക നടപടി മാത്രമാണെന്നും കാലാവസ്ഥാ ലക്ഷ്യങ്ങളിലേക്കുള്ള പ്രതിബദ്ധത തുടരുമെന്നും ഉറപ്പു നൽകുന്നുണ്ട്. വ്യവസായ മേഖലയും പരിസ്ഥിതി സംരക്ഷണവും തമ്മിൽ ഒരു സമന്വയം കണ്ടെത്തുകയാണ് തങ്ങളുടെ ലക്ഷ്യമെന്ന് സർക്കാർ പ്രതികരിച്ചു.
