തിരുവനന്തപുരം: നടിയും സോഷ്യൽ മീഡിയ ഇൻഫ്ലുവൻസറുമായ അഹാന കൃഷ്ണയും ഛായാഗ്രാഹകനായ നിമിഷ് രവിയും വിവാഹിതരായി. സെപ്റ്റംബർ 13-ന് താജ് കോവളത്ത് വെച്ച് നടന്ന മൂന്ന് ദിവസം നീണ്ടുനിന്ന ചടങ്ങുകൾക്ക് ശേഷമാണ് ഇവരുടെ വിവാഹ ആഘോഷങ്ങൾ പൂർത്തിയായത്. ഇതിനുശേഷം സിനിമ, രാഷ്ട്രീയ, സാംസ്കാരിക രംഗത്തെ പ്രമുഖർക്കായി തിരുവനന്തപുരം ട്രിവാൻഡ്രം ക്ലബ്ബിലെ സുബ്രഹ്മണ്യം ഹാളിൽ വെച്ച് വിവാഹ റിസപ്ഷനും സംഘടിപ്പിച്ചു.
അഹാന തന്നെയാണ് തങ്ങളുടെ സന്തോഷവാർത്തയും വിവാഹചിത്രങ്ങളും സോഷ്യൽ മീഡിയയിലൂടെ പങ്കുവെച്ചത്. തന്റെ ഉറ്റ സുഹൃത്തും ആത്മമിത്രവും പ്രിയപ്പെട്ടവനുമായ നിമിഷ് ഇനി ഭർത്താവുകൂടിയാണെന്നും, ഒരുമിച്ച് പ്രായമായി ജീവിതകാലം മുഴുവൻ ഒരേ ടീമായി മുന്നോട്ട് പോകാമെന്നും അഹാന ചിത്രങ്ങൾക്കൊപ്പം കുറിച്ചു.
കന്നഡ താരം ഋഷഭ് ഷെട്ടിയും ഭാര്യ പ്രഗതി ഷെട്ടിയും റിസപ്ഷനിൽ പങ്കെടുക്കാൻ തിരുവനന്തപുരത്ത് എത്തിയിരുന്നു. ചടങ്ങിൽ പങ്കെടുക്കുന്നതിന് മുമ്പ് ഇരുവരും ശ്രീ പത്മനാഭസ്വാമി ക്ഷേത്രത്തിൽ ദർശനം നടത്തുന്നതിന്റെ ചിത്രങ്ങളും സോഷ്യൽ മീഡിയയിൽ ഏറെ ശ്രദ്ധ നേടി.
രാജീവ് രവി സംവിധാനം ചെയ്ത ചിത്രത്തിലൂടെയാണ് അഹാന അഭിനയരംഗത്തേക്ക് വരുന്നത്. അതേ ചിത്രത്തിൽ അസിസ്റ്റന്റ് ക്യാമറാമാനായി പ്രവർത്തിച്ചാണ് നിമിഷ് രവിയും കരിയർ ആരംഭിക്കുന്നത്. ഈ സിനിമയുടെ സെറ്റിൽ വെച്ചാണ് ഇരുവരും ആദ്യമായി കണ്ടുമുട്ടുന്നതും സൗഹൃദത്തിലാകുന്നതും. പിന്നീട് ടൊവിനോ തോമസും അഹാനയും ഒന്നിച്ച അഭിനയിച്ച ‘ലൂക്ക’ എന്ന ചിത്രത്തിന്റെ ക്യാമറ ചലിപ്പിച്ച നിമിഷ് രവിയുടെ ഫ്രെയിമുകൾ ഏറെ ശ്രദ്ധിക്കപ്പെട്ടിരുന്നു. ഡൊമിനിക് അരുൺ സംവിധാനം ചെയ്ത് നിമിഷ് രവി ഛായാഗ്രഹണം നിർവഹിച്ച ‘ലോക’ എന്ന ചിത്രത്തിലാണ് അഹാന അവസാനമായി കാമിയോ വേഷത്തിൽ എത്തിയത്. അഹാന സംവിധാനം ചെയ്ത ഒരു മ്യൂസിക് വീഡിയോയും അടുത്തിടെ പുറത്തുവന്നിരുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
