നയാഗ്ര ഫാൾസ്: ഏഷ്യൻ ഭക്ഷണവിഭവങ്ങൾ, സാംസ്കാരിക കലാപരിപാടികൾ, കരകൗശല ഉൽപ്പന്നങ്ങൾ എന്നിവയെ ഒരുമിപ്പിച്ച് നയാഗ്ര ഫാൾസിൽ ഏഷ്യൻ നൈറ്റ് മാർക്കറ്റ് ആരംഭിച്ചു. തുടർച്ചയായ രണ്ടാം വർഷവും സംഘടിപ്പിക്കുന്ന ഈ മേള ജൂലൈ 31 മുതൽ ഓഗസ്റ്റ് 3, വരെയാണ് നടക്കുന്നത്. കാനഡ വൺ ഔട്ട്ലെറ്റ്സിൽ (Canada One Outlets) നടക്കുന്ന ഈ മേളയിൽ ഏഷ്യൻ രാജ്യങ്ങളിലെ വൈവിധ്യമാർന്ന സ്ട്രീറ്റ് ഫുഡുകളാലും മധുരപലഹാരങ്ങളാലും പ്രത്യേക പാനീയങ്ങളാലുമൊക്കെ സന്ദർശകരെ കാത്തിരിക്കുന്നു.
വിവിധ രാജ്യങ്ങളുടെ പാരമ്പര്യ നൃത്തങ്ങൾ, തത്സമയ സംഗീതപരിപാടികൾ, സാംസ്കാരിക അവതരണങ്ങൾ എന്നിവയും മേളയുടെ പ്രധാന ആകർഷണങ്ങളാണ്. പ്രാദേശിക കരകൗശല വിദഗ്ധർ ഒരുക്കുന്ന കൈത്തറി ഉൽപ്പന്നങ്ങളും വ്യത്യസ്തമായ സമ്മാനവസ്തുക്കളും വാങ്ങാനും സന്ദർശകർക്ക് സാധിക്കും.
കുടുംബസമേതം സമയം ചെലവഴിക്കാൻ അനുയോജ്യമായ ആഘോഷവേദിയായാണ് സംഘാടകർ മേളയെ വിശേഷിപ്പിക്കുന്നത്. പ്രവേശനം തികച്ചും സൗജന്യമാണ്. വെള്ളിയാഴ്ച വൈകിട്ട് 5 മണി മുതൽ രാത്രി 11 മണിവരെയും, ശനി മുതൽ തിങ്കൾ വരെ ഉച്ചയ്ക്ക് 12 മണി മുതൽ രാത്രി 11 മണിവരെയും മേള പൊതുജനങ്ങൾക്കായി തുറന്നിരിക്കും. നയാഗ്ര ഫാൾസിലെ Canada One Outlets (7500 Lundy’s Lane) ആണ് വേദിയായിരിക്കുന്നത്.
A celebration of Asian flavors at Niagara; four-day night market kicks off with free admission.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
