അന്റാലിയ: വികസ്വര രാജ്യങ്ങളുടെ കാലാവസ്ഥാ പ്രതിരോധ പ്രവർത്തനങ്ങൾക്കായി അടുത്ത അഞ്ച് വർഷത്തിനുള്ളിൽ 5.9 ബില്യൺ ഡോളർ ധനസഹായം നൽകുമെന്ന് കാനഡ. സ്വകാര്യ നിക്ഷേപം കൂടി ഉൾപ്പെടുത്തി ആകെ 13 ബില്യൺ ഡോളർ സമാഹരിക്കാനാണ് ലക്ഷ്യം. തുർക്കിയിലെ അന്റാലിയയിൽ നടക്കുന്ന യു.എൻ. കാലാവസ്ഥാ ഉച്ചകോടിയായ COP31-ലാണ് ഈ പ്രഖ്യാപനം.
ശുദ്ധമായ വൈദ്യുതി പദ്ധതികൾക്കായി അടുത്ത മൂന്ന് പതിറ്റാണ്ടിനുള്ളിൽ 100 ബില്യൺ ഡോളറിലധികം നിക്ഷേപിക്കാനും കാനഡ പദ്ധതിയിടുന്നുണ്ട്. ഫോസിൽ ഇന്ധനങ്ങളുടെ ഉപയോഗം കുറയ്ക്കുക, മീഥേൻ വാതകത്തിന്റെ പുറന്തള്ളൽ കുറയ്ക്കുക എന്നിവയും ഉച്ചകോടിയിലെ രാജ്യത്തിന്റെ പ്രധാന ലക്ഷ്യങ്ങളാണ്.
ALSO READ: ‘നിർദേശം അംഗീകരിക്കണം, അല്ലെങ്കിൽ യുദ്ധത്തിന് തയ്യാറാകണം’; യുഎസിന് മുന്നറിയിപ്പുമായി ഇറാൻ
എന്നാൽ രാജ്യത്ത് ഫോസിൽ ഇന്ധന ഉൽപ്പാദനവും പൈപ്പ്‌ലൈൻ പദ്ധതികളും വിപുലീകരിക്കുന്ന നടപടി വിമർശനങ്ങൾക്ക് ഇടയാക്കുന്നുണ്ട്. കാലാവസ്ഥാ വ്യതിയാനത്തിനെതിരായ പ്രവർത്തനങ്ങൾക്ക് ധനസഹായം പ്രഖ്യാപിക്കുമ്പോഴും ഫോസിൽ ഇന്ധന മേഖലയിലെ നയങ്ങൾ രാജ്യത്തിന്റെ അന്താരാഷ്ട്ര വിശ്വാസ്യതയെ ബാധിക്കാമെന്നാണ് വിദഗ്ധരുടെ വിലയിരുത്തൽ.
അമേരിക്കയുടെ കാലാവസ്ഥാ നയങ്ങളിലെ മാറ്റങ്ങളും ഇത്തവണത്തെ ചർച്ചകളെ സ്വാധീനിക്കുന്നുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
