റിയാദ്: സൗദി അറേബ്യയിലെ മദീന മേഖലയെ ലക്ഷ്യമിട്ട് യെമനിലെ ഹൂതി മിലിഷ്യ വിക്ഷേപിച്ച ബാലിസ്റ്റിക് മിസൈൽ സൗദി വ്യോമപ്രതിരോധ സേന തകർത്തു. ലക്ഷ്യസ്ഥാനത്ത് എത്തുന്നതിന് മുൻപുതന്നെ മിസൈൽ തകർക്കാൻ സാധിച്ചതായി യെമനിലെ സഖ്യസേനാ വക്താവ് മേജർ ജനറൽ തുർക്കി അൽ മാലികി അറിയിച്ചു. ഇതിന് പുറമെ, സൗദിയുടെ കിഴക്കൻ പ്രവിശ്യയ്ക്ക് മുകളിലൂടെ പറന്ന ഹൂതികളുടെ ഡ്രോണും വ്യോമസേന വെടിവെച്ചിട്ടു. സംഭവത്തെത്തുടർന്ന് മേഖലയിലെ വ്യോമാതിർത്തിയിലും പ്രധാന കേന്ദ്രങ്ങളിലും സുരക്ഷ ശക്തമാക്കി.
കഴിഞ്ഞ ഒക്ടോബർ 10-ന് റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെയുണ്ടായ ഹൂതി ആക്രമണത്തിൽ പരിക്കേറ്റ് ചികിത്സയിലായിരുന്ന മറ്റൊരു ഇന്ത്യൻ പൗരനും മരിച്ചു. തീവ്രപരിചരണ വിഭാഗത്തിൽ ചികിത്സയിലിരിക്കെയാണ് അന്ത്യം. സംഭവത്തിൽ റിയാദിലെ ഇന്ത്യൻ എംബസി അനുശോചനം രേഖപ്പെടുത്തി. കുടുംബത്തിന്റെ ആഗ്രഹപ്രകാരം മൃതദേഹം നാട്ടിലെത്തിക്കുന്നതിനോ സൗദിയിൽ തന്നെ സംസ്കരിക്കുന്നതിനോ ആവശ്യമായ എല്ലാ സഹായങ്ങളും നൽകുമെന്ന് എംബസി അറിയിച്ചു.
Also Read: കാലാവസ്ഥ മാറുന്നു, കാനഡയിൽ നവംബറിലും വിട്ടുമാറാതെ കൊതുകുശല്യം; പിന്നിൽ എൽ നിനോ പ്രതിഭാസം?
മേഖലയിലെ നയതന്ത്ര ബന്ധങ്ങളും സുരക്ഷാ സഹകരണവും ശക്തിപ്പെടുത്തുന്നതിനുള്ള നീക്കങ്ങളും തുടരുകയാണ്. ഇറാന്റെ ഉപാധികൾ അമേരിക്ക പരിശോധിച്ചുവരുന്ന സാഹചര്യത്തിൽ, പ്രതിരോധ സഹകരണം വർധിപ്പിക്കുന്നതിന്റെ ഭാഗമായി സൗദി പ്രതിരോധ മന്ത്രി അമേരിക്കൻ പ്രതിരോധ സെക്രട്ടറിയുമായി ചർച്ച നടത്തി. തന്ത്രപ്രധാന പാതകളിലെ സുരക്ഷയും വ്യോമാതിർത്തിയുടെ സംരക്ഷണവും ശക്തമായി നിലനിർത്താനാണ് സൗദി അറേബ്യയുടെയും സഖ്യസേനയുടെയും തീരുമാനം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
