ആല്‍ബര്‍ട്ട: പോലീസ് ഡാറ്റാബേസ് ഉപയോഗിച്ച് റുവാണ്ടയ്ക്ക് വിവരങ്ങള്‍ കൈമാറിയെന്ന കേസില്‍ ആര്‍സിഎംപി ഉദ്യോഗസ്ഥന് എലി എന്‍ദാതുജെയെ എല്ലാ കുറ്റങ്ങളില്‍നിന്നും കോടതി കുറ്റവിമുക്തനാക്കി. മൂന്ന് കുറ്റങ്ങളാണ് ഇയാള്‍ക്കെതിരെ ചുമത്തിയിരുന്നത്.
റുവാണ്ടന്‍ ഹൈക്കമ്മിഷനെ സഹായിക്കുന്നതിനായി പോലീസ് ഡാറ്റാബേസ് നിയമവിരുദ്ധമായി ഉപയോഗിച്ചെന്നായിരുന്നു ആരോപണം. എന്നാല്‍ ഡാറ്റാബേസ് ഉപയോഗിച്ച് വിവരങ്ങള്‍ പരിശോധിച്ചെങ്കിലും അവ റുവാണ്ടയ്ക്ക് കൈമാറിയിട്ടില്ലെന്ന് എന്‍ദാതുജെ കോടതിയില്‍ സമ്മതിച്ചു.
വയര്‍ടാപ്പുകളും 30-ഓളം പോലീസ് ഉദ്യോഗസ്ഥരും സിവിലിയന്‍ ജീവനക്കാരും ഉള്‍പ്പെട്ട ‘ഓപ്പറേഷന്‍ സാള്‍ട്ട് മൈന്‍’ എന്ന വിപുലമായ അന്വേഷണത്തിന് ശേഷമാണ് എന്‍ദാതുജെയെ അറസ്റ്റ് ചെയ്തത്. 2024 ഫെബ്രുവരിയില്‍ ആര്‍സിഎംപിയുടെ ഫെഡറല്‍ പോലീസിങ് വിഭാഗമാണ് അറസ്റ്റ് ചെയ്തത്.
ALSO READ: ലൈംഗികാതിക്രമ കേസിൽ തെളിവില്ലെന്ന് പ്രോസിക്യൂഷൻ; ഹോളിവുഡ് നടൻ മൈക്ക് സ്മിത്ത് കുറ്റമുക്തൻ
39-കാരനായ എന്‍ദാതുജെ കൗമാരപ്രായത്തില്‍ യുദ്ധബാധിതമായ ഉഗാണ്ടയില്‍നിന്ന് കുടുംബത്തോടൊപ്പം ഓട്ടവയിലേക്ക് എത്തിയതാണെന്ന് കോടതിയില്‍ അറിയിച്ചു. റുവാണ്ടന്‍ ഹൈക്കമ്മിഷനുമായി രണ്ടുതവണ ബന്ധപ്പെട്ടിരുന്നെങ്കിലും രണ്ടും സാധാരണ ആവശ്യങ്ങള്‍ക്കായിരുന്നുവെന്ന് അഭിഭാഷകന്‍ റോബ് ബീമന്‍ പറഞ്ഞു.
2022 ഏപ്രിലില്‍ ഭാര്യയുടെ യാത്രാരേഖകളുമായി ബന്ധപ്പെട്ട ആശയക്കുഴപ്പം പരിഹരിക്കാനായിരുന്നു ആദ്യ ബന്ധപ്പെടല്‍. പിന്നീട് ഓട്ടവയിലെ റുവാണ്ടന്‍ അംബാസഡറുടെ വസതിയില്‍ ജോലി ചെയ്തിരുന്ന വീട്ടുജോലിക്കാരിയെ കാണാതായതിനെക്കുറിച്ച് ഹൈക്കമ്മിഷനിലെ സുഹൃത്ത് എന്‍ദാതുജെയെ സമീപിച്ചു.തുടര്‍ന്ന് എന്‍ദാതുജെ സ്വന്തം നിലയില്‍ പോലീസ് ഡാറ്റാബേസില്‍ പരിശോധന നടത്തിയെങ്കിലും വീട്ടുജോലിക്കാരിയെ കാണാതായതായി രേഖയൊന്നും കണ്ടെത്തിയില്ല. പിന്നീട് ജീവനക്കാരിയെ സുരക്ഷിതയായി കണ്ടെത്തുകയും ചെയ്തു.
അന്വേഷണത്തില്‍ പോലീസ് ഉദ്യോഗസ്ഥര്‍ വലിയ പരിശ്രമം നടത്തിയെങ്കിലും അതിന് ആവശ്യമായ തെളിവുകള്‍ ലഭിച്ചില്ലെന്ന് ആല്‍ബര്‍ട്ട കോര്‍ട്ട് ഓഫ് കിങ്‌സ് ബെഞ്ച് ജസ്റ്റിസ് ജേസണ്‍ വില്‍കിന്‍സ് വിധിയില്‍ പറഞ്ഞു. വിദേശ ഇടപെടലുകളുടെ വര്‍ധന കണക്കിലെടുത്ത് ആര്‍സിഎംപി വിശദമായ അന്വേഷണം നടത്തിയതിന്റെ കാരണം മനസ്സിലാക്കാനാകുമെന്നും അദ്ദേഹം വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
‘Alberta RCMP Officer Acquitted’
